Qazaqstan Respýblıkasynyń Ulttyq Banki basqarmasynyń qaýlysy № 250

2014 jylǵy 24 jeltoqsan,  Almaty qalasy 2006 jylǵy úlgidegi jáne 2014 jylǵy úlgidegi nomınaly 1 000 teńgelik banknottardyń qatar aınalysta bolý kezeńin belgileý týraly «Qazaqstan Respýblıkasynyń Ulttyq Banki týraly» 1995 jylǵy 30 naýryzdaǵy Qazaqstan Respýblıkasynyń Zańyna sáıkes jáne ulttyq valıýta aqsha belgileriniń dızaıny (nysany) ózgergen kezde olardy aınalystan alý jóninde ońtaıly jumysqa qol jetkizý maqsatynda Qazaqstan Respýblıkasy Ulttyq Bankiniń Basqarmasy qaýly etedi: 1. 2006 jylǵy úlgidegi (budan ári – eski úlgidegi aqsha belgisi) jáne 2014 jylǵy úlgidegi (budan ári – jańa úlgidegi aqsha belgisi) nomınaly 1 000 teńgelik banknottardyń qatar aınalysta bolý kezeńi 2014 jylǵy 1 jeltoqsan – 2016 jylǵy 31 jeltoqsan aralyǵy bolyp belgilensin. 2. Eski jáne jańa úlgilerdegi aqsha belgileriniń qatar aınalysta bolý kezeńinde: 1) ekinshi deńgeıdegi bankter jáne bank operasııalarynyń jekelegen túrlerin júzege asyratyn uıymdar: eski jáne jańa úlgilerdegi aqsha belgilerin jeke jáne zańdy tulǵalarǵa óz kassalarynan, sondaı-aq bankomattar arqyly berýdi jáne qabyldaýdy júzege asyrady; operasııalyq kassaǵa kelip túsetin eski jáne jańa úlgilerdegi aqsha belgilerin Qazaqstan Respýblıkasynyń Ulttyq Banki Basqarmasynyń «Bankterde jáne bank operasııalarynyń jekelegen túrlerin júzege asyratyn uıymdarda kassalyq operasııalardy jáne banknottardy, monetalardy jáne qundylyqtardy ınkassasııalaý boıynsha operasııalardy júrgizý qaǵıdalaryn bekitý týraly» 2001 jylǵy 3 naýryzdaǵy № 58 qaýlysymen (Normatıvtik quqyqtyq aktilerdi memlekettik tirkeý tiziliminde № 1482 tirkelgen) bekitilgen Bankterde jáne bank operasııalarynyń jekelegen túrlerin júzege asyratyn uıymdarda kassalyq operasııalardy jáne banknottardy, monetalardy jáne qundylyqtardy ınkassasııalaý boıynsha operasııalardy júrgizý qaǵıdalaryna sáıkes Qazaqstan Respýblıkasy Ulttyq Bankiniń (budan ári – Ulttyq Bank) fılıaldaryna tapsyrady; 2) Ulttyq Banktiń fılıaldary: eski jáne jańa úlgilerdegi aqsha belgilerin jeke jáne zańdy tulǵalarǵa aınalym kassalarynan berýdi jáne qabyldaýdy júzege asyrady; zańdy tulǵalardan eski jáne jańa úlgilerdegi aqsha belgilerin Qazaqstan Respýblıkasynyń Ulttyq Banki Basqarmasynyń «Qazaqstan Respýblıkasynyń Ulttyq Bankinde jeke jáne zańdy tulǵalarmen kassalyq operasııalar júrgizý qaǵıdalaryn bekitý týraly» 2014 jylǵy 24 jeltoqsandaǵy № 247 qaýlysymen (Normatıvtik quqyqtyq aktilerdi memlekettik tirkeý tiziliminde № 10204 tirkelgen) bekitilgen Qazaqstan Respýblıkasynyń Ulttyq Bankinde jeke jáne zańdy tulǵalarmen kassalyq operasııalar júrgizý qaǵıdalaryna sáıkes keıinnen ekinshi deńgeıdegi bankterdiń jáne zańdy tulǵalardyń tıisti shottaryna qolma-qol emes balamasyn aýdara otyryp shekteýsiz qabyldaıdy. 3. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Ulttyq Bank Tóraǵasy  Q.KELIMBETOV.