Merkel Qazaqstandy tańdady

ASTANA. 2 naýryz. Qazaqstan fýtbol quramasyna taǵy bir nemis fýtbolshysy qosyldy. Ol – Aleksandr Merkel. Bul týraly kff.kz habarlady. Aleksandr Merkel 1992 jyly 22 aqpanda Almaty qalasynda dúnıege kelgen. Alty jasynda otbasymen birge Germanııaǵa kóship baryp, jergilikti «Vestarvald» komandasy sapynda sporttyń qyr-syryn úırendi. Keıin «Shtýtgart» fýtbol akademııasynda tálim aldy. 16 jasynda Italııanyń «Mılan» komandasyna aýysyp, úsh jyl sol jerde óner kórsetti. Tipti komandanyń negizgi quramynda oınaýǵa múmkindik aldy. Artynan «A» serııasynda oınaıtyn «Djenoa» jáne «Ýdıneze» komandalarynyń sapynda dop tepti. О́tken jyly az ýaqyt Anglııanyń «Ýotford» komandasynyń namysyn qorǵady. Al búginde Shveısarııanyń «Grasshopper» komandasynda oınaıdy. Aıta keteıik, osyǵan deıin taǵy eki nemis fýtbolshysy Qazaqstan ulttyq quramasyn tańdaǵan bolatyn. Iаǵnı, Qazaqstanda dúnıege kelip, keıin tarıhı Otandaryna kóship ketken Geınrıh Shmıtdgal men Konstantın Engel de fýtbol álippesin Germanııada úırengen oıynshylar. Elaman Qońyr. Derek: kff.kz. Sýret: eurosport.ru.