Qazaqstan Eýrazııa qurlyǵynda logıstıkalyq hab jasaqtamaq

Dýbaı qalasynda (BAÁ) «Jibek joly: Azııa men Eý­ropa arasyndaǵy saýda júıesindegi logıstıkanyń jańa múm­kindikteri» atty halyqaralyq ınvestısııalyq forýmy ótti. Forýmǵa qatysýshylar aldynda sóz sóılegen «Qazaqstan temir joly» UK» AQ prezıdenti Asqar Mamın Qazaqstannyń eýrazııalyq kóliktik-logıstıkalyq jáne isker­lik habqa aınalýy týraly stra­tegııalyq ıdeıany alǵash Prezı­dent N.Á.Nazarbaev Jibek jolyn jańǵyrtý týraly sózinde qozǵaǵandyǵyn atap ótti. «Biz qazaqstandyq «Qorǵas» AEA men Aqtaý teńiz porty jetek­shi­lerimen kezdesý kezinde porttar jáne logıstıka salasyndaǵy tájirıbelerimizben bólisýge ázirmiz. Bul Qazaqstannyń qazirgi za­manǵy logıstıkalyq hab retinde aımaqtaǵy saýda tranzıttik áleýetin kúsheıtip, ekonomıkalyq damýdyń lokomotıvine aınalýyna yqpal etedi», dep atap ótti DP World bas atqarýshy dırektory Muhammed Sharaf. Buǵan deıin qol qoıylǵan QTJ men DP World arasyndaǵy kelisimshartqa oraı, halyqaralyq logıstıkalyq operator «Qorǵas- Shyǵys qaqpasy» arnaıy ekono­mıkalyq aımaǵy men Aqtaý teńiz portyna keńestik qyzmet kórsetedi. Sonymen qatar, álemdik kompanııalarǵa logıstıkalyq sheshimderdi daıarlaıdy. Sarapshylar 2014 jyly aı­maq­taǵy saýda aınalymy 800 mlrd. AQSh dollaryn qurasa, 2020 jylǵa deıin 1,2 trln. AQSh dol­laryna, Qytaı men Eýropa ara­ly­ǵyndaǵy júk tasymaly 170 mln. tonnaǵa jetedi degen boljam jasap otyr. «Qazaqstannyń Qytaı, Re­seı, Parsy shyǵanaǵy elderi, Eýro­odaq, eýrazııalyq keńistik baǵyt­taryndaǵy taýar aınalymynyń artýyna baılanysty jańa arhı­tektýralyq kóliktik dálizder qalyptasa bastady, dep atap ótti QTJ prezıdenti Asqar Mamın. Forým barysynda sheteldik ınvestorlardyń qatysýymen Qazaq­stannyń kóliktik-logıs­tı­ka­lyq júıesin jetildirý men tranzıttik áleýetin damytýdyń jobalary talqylandy. «Jańa Jibek jolyn damytý bolashaǵy: Azııa men Eýropa ara­syndaǵy qurlyqaralyq kópir» men «QR aýmaǵyndaǵy arnaıy ekonomıkalyq aımaqtardy damytý» atty paneldik sessııa­larda Qarjy mınıstrligi Memlekettik kiris komıtetiniń tóraǵasy Ǵosman Ámrın, «QTJ» UK» AQ vıse-prezıdenti Qanat Alpysbaev, «KTZ Express» AQ prezıdenti Sanjar Elýbaev, EMEA LogisticsHewlett-Packard aımaqtyq dırektory Ronald Kleıvıt, taǵy basqalar sóz sóıledi.