Teńdesi joq ota

ómirimdi saqtap qaldy deıdi Oral qalasynyń turǵyny Gazetimizdiń Oral qalasyndaǵy tilshi qosynyna jasy alpysty alqymdap qalǵan azamat keldi. О́zin tanystyrdy. Aty-jóni Samat Bekmaǵambetov eken. Jasy elýdiń segizine shyǵypty. Sharýańyzdy aıta otyryńyz dedim men zamany bir jasy ózim quralyptas azamatqa. Onyń aıtaıyn degen áńgimesiniń uzyn-yrǵasy tómendegideı bolyp shyqty. Ol bas mıynda paıda bolǵan isikten biraz ýaqyt qatty qınalyp zardap shegip kelipti. Tipti, ómirden kúderin úzgendeı mazasyz da azapty kúı keshedi. О́ıtkeni, basyn qorǵasyndaı jaılaǵan aýyr dert onyń janyn qaı­da qoıarǵa jer taptyrmaıdy. Kúndiz kúlki, túnde uıqydan aıyrylady. О́zimen ózi ysh­qynyp, tistenedi. Oǵan qoı­ylǵan dıagnoz óte aýyr ári kúrdeli bolǵandyqtan ob­lystaǵy mamandar ota jasaý úshin oǵan elordasy As­tanada ornalasqan Ulttyq neı­rohırýrgııa ortalyǵyna baryp emdelýge joldama beredi. Sátin salǵanda, onyń munda ómirden úzile bastaǵan úmiti qaıta jal­ǵanady. Samattyń aıtýynsha, atalǵan ortalyqtaǵy Serik Aqsholaqov bastaǵan neırohırýrgter jasaǵan teńdesi joq ota elimizde tuńǵysh ret iske asypty. Biz bul derektiń máni­sine tereńirek qanyǵý maq­satynda Ulttyq neırohırýrgııa ortalyǵynyń baspasóz qyzmeti mamandaryna habar­lasqan edik. «Egemen» arqy­ly olarǵa alǵysy men rıza­shylyǵyn jetkizýdi qajet dep tapqan, búginde dertinen múldem aıyqqan jannyń aıtqany aına-qatesiz ras bolyp shyqty. Naqtyraq aıtqanda, bastyń sol jaq qýysynda onyń mańdaıǵa túıisetin tusynda paıda bol­ǵan qaterli isikti mıkrohırýrgııa jolymen sylyp tas­taý tásili otandyq medısına tarıhynda alǵash ret atqa­rylypty. Bul úshin buǵan deıin qoldanylyp kórmegen tyń tásil – neıronavıgasııalyq júıe paıdalanylypty. Ota­nyń mundaı túrinde naýqastyń sana-sezimi sol kezde joǵalmaı saqtalady eken. Iá, jasyratyn eshteńesi joq, mamandardyń málim­deýinshe, Ulttyq ortalyqqa kelgen kezde Samat Bekma­ǵambetovti qos birdeı qater kútip turypty.Onyń birinshisi, ómirmen qoshtasý bolsa, ekin­shisi, tiri qalǵan kúnniń ózinde de ǵumyr boıy múgedek bolyp qalý qaýpi. Degenmen, qazaqstandyq bilikti neırohırýrgter – Serik Aqsholaqov pen Nurjan Ryskeldıevtiń, Aıdos Dosqalıev pen Ǵabıt Ilııasulynyń jáne anestezıologter Mars Nurdınov pen Baýyrjan Qonaqbaevtyń kásibı sheberlikteri ony mundaı qaterlerden saqtap qalypty. Eki saǵatqa sozylǵan ota jaqsy nátıje beripti. Másele, otanyń óte kúrde­liligi men asa náziktiginde. Onyń ústine Brok­ka orta­ly­ǵyna tym jaqyn orna­las­qany da máse­le­ni qoıý­la­ta túsipti. Jo­ǵa­ry­­da aı­tyl­ǵandaı, neı­rona­vıga­sııa­lyq júıe qol­danyl­maǵan jaǵ­daıda pasıenttiń beri sal­ǵanda ómir baqı mylqaý bolyp qalýy da ábden múmkin eken. Ári ota kezinde naýqasqa neı­rofızıologııalyq baqylaý bir mezgilde júrgizilip otyr­ǵan. Sonymen birge ota ús­te­lin­de jatqan janmen neırohı­rýrgter sóz sóıleý baılany­syna shyǵý arqyly oǵan ti­keleı baqylaý jasap otyr­ǵan. Bul ádis mıdaǵy sóz qoz­ǵa­lysy ortalyǵyna zaqym kel­meýine septigin tıgizgen. Ári naýqastyń ómir sapasyn saq­­tap qalýyna oń yqpal etken. «Egemennen» elge kel­gen azamat Samat Bekma­ǵam­betovtiń oıy ornyqty, pikiri baıypty sózi salmaqty ekeni de birden baıqalady. Onyń janarynda ómirge qushtarlyqtyń sónbes shoǵy mazdap tur. Temir QUSAIYN, «Egemen Qazaqstan». ORAL.