Almaty oblysynda úzdik sportshylar marapattaldy

TALDYQORǴAN. 4 naýryz. Almaty oblysynyń ákimi Amandyq Batalov halyqaralyq jáne respýblıkalyq jarystarda úzdik nátıje kórsetken óńir sportshylary men jattyqtyrýshylaryn marapattady. Bul týraly zhetysu.gov.kz habarlady. Kezdesý barysynda oblys ákimi sportty damytý máselelerine keńinen toqtalyp, qol jetken jetistikterdi saralady: «Prezıdentimiz Nursultan Nazarbaev «Qazaqstan-2050» Strategııasynda «Dene shynyqtyrý men sport memlekettiń aıryqsha nazarynda bolýy tıis. Naq sol salamatty ómir salty ult densaýlyǵynyń kilti bolyp sanalady» dedi. Elbasynyń tapsyrmasy aıasynda búginde oblys sportshylaryna barlyq jaǵdaılar jasalýda. Sol jumystardyń nátıjesinde, 2014 jyly oblys sportshylary barlyǵy 1167 medal oljalaǵan. Sondaı-aq, ótken jyly óńirden 2 eńbek sińirgen sport sheberi, 24 halyqaralyq dárejedegi sport sheberi, 125 sport sheberleri men 495 sport sheberligine úmitkerler shyqty. Oblys ákimi óz baıandamasynan keıin óńirdiń úzdik sportshylary men jattyqtyrýshylaryn marapattady. Úzdik 6 sportshy men 8 jattyqtyrýshyǵa oblys ákiminiń dıplomy tabystalyp, 150 myń teńgeden aqshalaı syılyq berildi. Oblystyń úzdik sportshylary atanǵan sańlaqtar: Margarıta Elıseeva, Toqtar Karkaterov, Nurjan Jumajan, Erbol Dúkenbaev, Aleksandr Getalo jáne Dmıtrıı Solıanın. Sonymen qatar, oblys ákiminiń atynan dıplomdar men 500 myń teńgelik aqshalaı syılyq 2014 jyly úzdik dep tanylǵan sporttyq mekemelerge de berildi. Olardyń qatarynda Taldyqorǵan qalasyndaǵy №1 jasóspirimderge arnalǵan olımpıadalyq rezerv mektebi, «Jetisý» voleıbol klýby jáne Qarasaı aýdandyq sport bólimi bar. Sporttyq jańalyqtardy turaqty túrde buqaralyq aqparat quraldarynda nasıhattap júretin jýrnalıster de marapattan qalmady. Kezdesýde «Jetisý» áıelder voleıbol komandasynyń basshysy V.Shapran jáne qazaq kúresiniń palýany Tohtar Karkaterov sóz sóılep, aldaǵy ýaqytta budan da joǵary jetistikterge qol jetkizýge talpynatyndaryn aıtty. Nurbol Áldibaev. Derek, sýret: zhetysu.gov.kz.