Pavlodarda «Jańashyl ustaz» baıqaýynyń jeńimpazy anyqtaldy

PAVLODAR. 30 maýsym. Astanadaǵy «ZIAT» ǵylymı – ádistemelik ortalyǵynyń uıymdastyrýymen ótken baıqaýǵa elimizdiń barlyq óńirlerinen joǵary oqý oryndarynyń oqytýshylary qatysty. Bul týraly egemen.kz tilshisi habarlady. Baıqaýda Sultanmahmut Toraıǵyrov atyndaǵy memlekettik ýnıversıtettiń geografııa, týrızm kafedrasynyń oqytýshysy Gúlmarjan Qasenova «Prezentasııalar jáne olardyń oqý prosessindegi róli» nomınasııasy boıynsha jumysyn tanystyrǵan bolatyn. Joǵary bilim berý júıesindegi aqparattyq tehnologııalardyń ádistemelik jumysyn, stýdentterdiń bilim berý standarttarynyń talaptaryna saı qazirgi zamanǵy aqparattyq-kommýnıkasııalyq tehnologııalardy ıgergenderin jetkizdi. Bolashaqta týrızm salasynda qyzmet jasaıtyn stýdentterdiń izdenisterin, jańashyldyqtaryn arnaıy beınesıýjtter arqyly tanystyrdy. Baıqaýdyń basty maqsaty – zaman talabyna saı bilim berýde jańashyl, shyǵarmashylyqpen jumys istep, oqytýdyń ozyq tehnologııalary men ınnovasııalyq ádisterdi sabaq úrdisinde tıimdi paıdalana alatyn biligi men bilimi joǵary ulaǵatty ustazdardyń tájirıbesin keńinen nasıhattaý. Farıda Byqaı. Derek, sýret: egemen.kz