PAVLODAR. 30 maýsym. Baıanaýyldyń Jańajol aýylyndaǵy Máshhúr Júsip atyndaǵy mekteptiń 6 synyp oqýshysy Jańbyrbaı Ádilhan alǵash ret «Baqytty balalyq shaq» atty aýdandyq án baıqaýynda bas júldeni jeńip aldy. Bul týraly egemen.kz tilshisi habarlady.
Odan keıin oblysyq «Jańa juldyz-2014», «Ertis-Baıan juldyzdary» baıqaýlarynda ánshi bala atanyp, kózge túsedi. Jýyrda Astananyń týǵan kúnine arnalǵan «Ánim sensiń – Astana» atty Astanaǵa arnalǵan ánder baıqaýynda «Eń jas ánshi» nomınasııasyna ıe boldy. Aýyl ustazdarynyń aıtýynsha, Jańbyrbaı mektepte, aýylda ótetin merekelik sharalardyń sáni men máni kórinedi.
Bıyl Ádilhannyń tańdaýdan ótip joly bolypty. Almatyda ótip jatqan IýNESKO kólemindegi «Detı v rıtme Mıra» festıvalinde Roza Rymbaevamen birge «Erteńge senemin» atty ánin oryndap shyqty. О́zi jeke «Sálem saǵan týǵan el», «Asyl janym-aı» ánderin aıtyp berdi. Roza apasy oǵan sen Ádilhan, bolashaq sahna juldyzysyń dep batasyn beredi.
Farıda Byqaı.
Derek, sýret: egemen.kz
