Jeńil atletshilerimiz Shardjda jaqsy óner kórsetti

ASTANA. 4 aqpan. Qazaqstandyq paralımpıadashylar Birikken Arab Ámirliginiń Shardj qalasynda ótken jeńil atletshiler arasyndaǵy halyqaralyq týrnırden 3 altyn, 5 kúmis, 9 qola medaldi jeńip aldy. Bul týraly «Dene múmkindikteri shekteýli tulǵalarǵa arnalǵan sporttyq daıarlaý ortalyǵy» habarlady. Sportshylarymyz Shardjǵa shıryǵyp barǵan eken. Sportshylarymyz eki kúnde tabany kúrekteı 17 medaldi ýystap shyqty. Ásirese, uzyndyqqa sekirý men qysqa qashyqtyqqa júgirýde Qazaqstannyń kók týyn Maǵjan Nurlybaev qaıta-qaıta jelbiretti. Elimizdiń qorjynyna 3 altyndy da Maǵjannyń bir ózi saldy. Sondaı-aq, Amanat Qalqaev, Aınur Taıjanova, Alekseı Lýkýtın, Bıslan Gebertaev, Islam Salımov syndy sportshylar namysty qoldan bermeýge baryn saldy. Shardj básekesinde bizdiń eldiń 7 sportshysy álem chempıonatynyń normatıvin oryndady. Jeńimpazdar men júldegerlerdiń tolyq tizimi tómendegideı. Nurlybaev Maǵjan – altyn medal (100 metrge júgirýden – 0:11,74 sek.) Nurlybaev Maǵjan – altyn medal (200 metrge júgirýden. – 0:24,34 sek.) Nurlybaev Maǵjan – altyn medal (uzyndyqqa sekirýden – 5 m.16 sm.) Amanat Qalqaev – kúmis medal (100 metrge júgirýden – 0:12,69 sek.) Amanat Qalqaev – qola medal (200 metrge júgirýden – 0:27,01 sek.) Amanat Qalqaev – qola medal (uzyndyqqa sekirýden – 5 m. 45 sm.) Aınur Taıjanova – kúmis medal (ıadro laqtyrýdan – 7 m.06 sm.) Aınur Taıjanova – qola medal (dısk laqtyrýdan – 19 m.53 sm.) Alekseı Lýkýtın – kúmis medal (dısk laqtyrýdan – 17 m. 42 sm.) Islam Salımov – qola medal (200 metrge júgirýden – 0:24,79 sek.) Islam Salımov – qola medal (400 metrge júgirýden – 0:55,47 sek.) Islam Salımov – qola medal (uzyndyqqa sekirýden – 6 m. 11 sm.) Sergeı Harlamov – qola medal (100 metrge júgirýden. – 0:13,63 sek.) Beıbarys Bolat – qola medal (100 metrge júgirýden – 0:13,21 sek.) Bıslan Gebertaev – kúmis medal (100 metrge júgirýden – 0:11,94 sek.) Bıslan Gebertaev – kúmis medal (uzyndyqqa sekirýden – 5 m. 65 m.) Pavel Sıdorchýk – qola medal (dısk laqtyrýdan – 36 m.07 sm.) Joldybaı Bazar. Derek, sýret: «Dene múmkindikteri shekteýli tulǵalarǵa arnalǵan sporttyq daıarlaý ortalyǵynyń» baspasóz qyzmeti.