Turaqty damýǵa turlaýly jaýap

Memlekettiń daǵdarysqa ­qarsy saıasatyn senatorlar osylaı baǵalap otyr Memleket basshysy álemdik ekonomıkanyń turaqsyzdyǵyna oraı «Nurly Jol» memlekettik baǵdarlamasyn ózgertý jóninde tapsyrmalar bergen-di. Osyǵan oraı, ekonomıkalyq jáne zańnamalyq ózgeristerdi jedel endirý máselesi ótkir týyndaǵan bolatyn. Keshe osy máselelerdi tarqatyp aıtyp berý úshin Senattyń Qarjy jáne bıýdjet komıtetiniń músheleri Ertarǵyn Astaev pen Lazzat Turlashov  buqaralyq aqparat quraldary ókilderiniń aldyna shyqty. Ortalyq kommýnıkasııalar qyzmetinde ótken brıfıngte 2015-2017 jyldarǵa arnalǵan respýblıkalyq bıýdjetti naq­tylaý jaıy keńinen qozǵaldy. Aldymen sóz alǵan E.Astaev eń bastysy, respýblıkalyq bıýdjet ońtaılandyrylǵanymen, azamattardy áleýmettik qorǵaý máselesinde ózgeris joq dese de bolǵandaı ekenine nazar aýdardy. Senator, sondaı-aq, «Agrobıznes-2020» baǵdarlama­syn ońtaılandyrý nátıjesinde AО́K baǵytynda jańa ǵylymı-zertteýlerge qarastyrylǵan 69,9 mıllıard teńgeniń 3 mıllıardy kemıtinin alǵa tartty. Esesine, «Nurly Jol» baǵdarlamasyna sáıkes aýyl sharýashylyǵyn qoldaýǵa, AО́K sýbektilerin sýbsıdııalaýǵa 20,0 mıllıard teńge kózdelgendigin atap kórsetti. Budan basqa, «2020 jylǵa deıingi óńirlerdi damytý» baǵdarlamasy boıynsha qarastyrylǵan 368,3 mıllıard teńgeniń 83,3 mıllıardy kemitiletin bolady. Biraq «Nurly Jol» baǵdar­lamasy sheńberinde turǵyn úı qurylysy salasyna erekshe ekpin berileri belgili bolyp otyr. Atap aıtqanda, buryn bastalǵan turǵyn úı qurylystaryn aıaqtaý úshin Ulttyq qordan maqsatty transfert retinde 30 mıllıard teńge qarastyrylǵan. Sondaı-aq, osy qordan jańa jobalardy iske asyrý úshin oblıgasııalyq zaım berý máselesi sheshimin taýypty. «Samuryq-Qazyna» UÁQ» AQ arqyly júzege asyrylatyn is-sharalardy ońtaılandyrý arqasynda 22,3 mıllıard teńgeni únemdeýge qol jetkizilmek. Elordada EKSPO-2017 halyq­ara­lyq kórmesin ótkizý úshin bólingen qarjynyń 10,0 mıllıard teńgesi de ońtaılandyrylǵany atap aıtyldy. Ertarǵyn Astaev sóziniń sońynan «Nurly Jol» baǵdarlamasyn júzege asyrý ekonomıka ósimine yqpal etip, óziniń mýltıplıkatıvtik tıimdiligin bererin, eńbekaqynyń ósimine, densaýlyq saqtaý, áleýmettik az qamtylǵandardy qoldaýǵa qosym­sha qarjy qosylaryn, jalpy alǵanda, ekonomıkanyń jandanýyna yqpal eterin erekshe atady. Budan keıin sóz alǵan Lazzat Turlashov 2015-2017 jyldarǵa arnalǵan respýblıkalyq bıýdjetti naqtylaý jáne onyń memleket pen halyqtyń tynys-tirshiligine, ekonomıkalyq damýǵa áserin jan-jaqty aıtyp berdi. Depýtattyń aıtýynsha, bıýdjetti túzetý syrtqy faktorlardyń yqpaldaryn beıtarap etýge, otandyq ekonomıkanyń odan ári qarqyndy damýyna sebepshi bolýǵa, azamattarymyzdyń áleýmettik jaǵdaılaryn qorǵaýǵa baǵyttalýǵa tıis. Syrtqy áserdiń sebebinen el ekonomıkasynyń damý qarqyny sál báseńsigenmen, 2014 jyldyń qorytyndysy bo­ıynsha turaqty damý baıqaldy. «Buǵan elimizde sońǵy jyldary mektep, aýrýhana jáne basqa da mańyzdy áleýmettik obektilerdiń kóptep salynýy, sondaı-aq, orta jáne shaǵyn bıznestiń damýy men memlekettik baǵdarlamalardyń qarjylandyrylýy, áleýmettik tólemder deńgeıiniń saqtalýy dálel bola alady», dedi Lazzat Mahatuly. Asqar TURAPBAIULY, «Egemen Qazaqstan».