Shtab jetekshisimen júzdesti

Qazaqstan Respýblıkasy Ortalyq saılaý komıssııasynyń tóraǵasy Q.T.Turǵanqulovtyń TMD-dan Baıqaýshylar mıssııasy shtabynyń jetekshisi E.A. Slobodamen kez­desýi boldy. Kezdesýge, sondaı-aq, Ort­saılaýkom músheleri T.V. Ohlopkova men M.A.Sársembaev qatysty, dep habarlady Ortalyq saılaý ko­mıssııasynyń baspasóz qyzmeti. Q. Turǵanqulov Sloboda myrzany Qazaqstan Respýblıkasy Prezıdentiniń kezekten tys saılaýyn ázirleý jáne ótkizý jónindegi jumyspen tanystyrdy. Talqylaý barysynda kezdesýge qatysýshylar saılaý naýqanynyń keıbir erekshelikterine, onyń kezeńderine, prezıdenttikke kandıdattardyń saılaý aldyndaǵy úgitti júrgizý sharttary men tártibine, daýys berýdi uıymdastyrý jáne ótkizý, sondaı-aq, saılaýdyń qory­tyndylaryn anyqtaý rásimderine kóńil bóldi. TMD Baıqaýshylar mıssııasy shtabynyń jetekshisi, óz kezeginde, saılaýdy baıqaýǵa qatysýǵa shaqyrý úshin rızashylyǵyn bildirip, TMD keńistigi men odan tysqary saılaýdy baıqaýda qomaqty tájirıbesi bar Mıssııa baıqaýshylarynyń kópshiligi ádildik jáne alalamaýshylyq qaǵıdattaryn buryn da basshylyqqa alǵanyn, qazir de basshylyqqa alatynyn atap ótti. «TMD Mıssııa shtaby jumysqa kiristi. Biz ózimizdiń ókilderimizdi respýblıkanyń barlyq óńirlerine jiberýge nıettimiz. Bizdiń josparymyzda saılaýǵa qatysýshy kandıdattardyń ókilderimen kezdesýler ótkizý bar. Bizdiń barlyq is-sharalarymyz baspasóz-relızderinde kórsetiletin bolady. Mıssııanyń negizgi mindeti – demokratııalyq saılaýdy ótkizýge járdemdesý jáne biz halyqaralyq baıqaýdyń jalpyǵa tanymal normalarynyń sheńberinde jumys jasaýǵa nıettimiz», dep atap kórsetti Sloboda myrza. Sondaı-aq, ol aldaǵy saılaýdy tabys­ty ótkizýge tilek bildirip, qazaqstandyq taraptyń baıqaýdy uıymdastyrýǵa jáne ótkizýge barlyq qajetti jaǵdaılar jasaǵanyn atap ótti. Ortsaılaýkom basshysy TMD Baı­­qaý­shylar mıssııasy shtabynyń jetek­shisine onyń 2015 jylǵy 26 sáýirge taǵaıyndalǵan Qazaqstan Respýblıkasy Prezıdentiniń saılaýyn halyqaralyq baıqaýshy retinde akkredıttelgeni týraly kýálik tapsyrdy.