Shyǵys Qazaqstanda 56 jolaýshy qar qursaýynan qutqaryldy

ASTANA. 31 naýryz. Shyǵys Qazaqstan oblysy Tarbaǵataı aýdanynda tań aldynda 2 avtobýs qar qursaýynan qutqaryldy. Bul týraly «24kz» habarlady. Habarlamada kórsetilgendeı, «Qaraǵandy-Aıagóz-Boǵas» tasjolynyń 800-shaqyrymynda aýdan ortalyǵy – Aqsýat aýylynan 150 shaqyrym qashyqtyqtaǵy Qyzylkesik aýyldyq okrýgine qarasty Jińishke eldi mekeni tusynda qalyń jaýǵan qar men qatty boran saldarynan jolda turyp qalǵan jolaýshylar avtobýsynan 56 adam qaýipsiz jerge kóshirilgen. Olardyń arsynda 9 bala bar. Avtobýstar toqtap qalǵan jerde uıaly baılanys ta bolmaǵan. Qýanyshqa qaraı, jolaýshylardyń aýyldaǵy týystary qutqarý qyzmetine atalmysh jaǵdaıdy habarlaǵan. Boranda qalǵan adamdarǵa kómekke oblystyq tótenshe jaǵdaılar departamentiniń qutqarýshylary men órt sóndirý qyzmeti qatysty. Olar tótenshe oqıǵa ornyna jol talǵamaıtyn kóliktermen jetken. Qazirgi tańda barlyq jolaýshylar Qyzylkesik aýylyna jylynyp, tamaqtanyp alý úshin jetkizilgen. Budan keıin olar saparlaryn tań ata basqa avtobýstarmen jalǵastyrdy. Kómek der kezinde jetkendikten, zardap shekkender joq. Joldybaı Bazar. Derek: «24kz». Sýret: «Habar» telearnasy.