Coltústik Qazaqstanda basqarma basshysy taǵaıyndaldy

PETROPAVL. 31 naýryz. Soltústik Qazaqstan oblysynyń ákimi Erik Sultanovtyń ókimimen Qaırat Omarov oblystyq aýyl sharýashylyǵy basqarmasynyń basshysy bolyp taǵaıyndaldy. Bul týraly oblys ákimdiginiń baspasóz qyzmeti habarlady. Qaırat Qaırollauly 1979 jyly sol kezdegi Kókshetaý oblysy Volodarovka aýdanynda týǵan. Qaraǵandy zań akademııasynyń Kókshetaý fılıalyn, Kókshetaý ekonomıka jáne menedjment ınstıtýtyn ekonomıka jáne zańger mamandyqtary boıynsha támamdaǵan. Eńbek jolyn 1996 jyly  Aıyrtaý aýdanynda muǵalimdikten bastaǵan. Sondaı-aq, 2004-2008 jyldary Ǵ.Músirepov, Aıyrtaý aýdandarynda ádilet basqarmasynda jetekshi, bas maman qyzmetterin atqarǵan. 2008-2012 jyldar aralyǵynda Ǵ.Músirepov aýdanynda halyqqa qyzmet kórsetý ortalyǵyna jetekshilik etken. 2012 jyldan osy kezge deıin Músirepov aýdany ákiminiń ekonomıka jáne aýyl sharýashylyǵy máseleleri boıynsha orynbasary bolǵan. О́mir Esqalı. Derek, sýret: Soltústik Qazaqstan oblysy ákimdiginiń baspasóz qyzmeti.