Qandyaǵashta qýanyshty qarbalas

Júrisinen jańylmaǵan «Meniń Qazaqstanym!» poıyzy 30 naýryz kúni tańerteń Aqtóbe oblysyndaǵy Muǵaljar aýdanynyń ortalyǵy – Qandyaǵash qalasynyń vokzalyna kelip toqtady. Vokzal basy nópir halyq. Jandy jadyratar əýen. Kóńildi daýys. Kóterińki kóńil-kúı. Muǵaljar eliniń yqylasy ystyq eken. Əsirese, «Keshe ǵana Ulystyń uly kúnin qarsy alǵan Muǵaljar dalasynda búgin jəne bir toı jalǵasyn taýyp otyr. «Meniń Qazaqstanym!» poıyzynyń bizdiń aýdanymyzǵa arnaıy atbasyn burýy – muǵaljarlyqtar úshin mereıli mərtebe», dep tebirene sóılegen aýdan əkimi Serik Shańǵutovtyń lebizinen sol eldiń yqylasyn sezingendeı boldyq. Muǵaljar – Aqtóbe obly­syndaǵy eń iri aýdannyń biri. Onyń əkimshilik aýmaǵynyń qurylymyna 3 qala, 12 aýyldyq okrýg, 42 eldi meken kiredi. Aýdanda 66 myń adam turady. Muǵaljar əleýmettik-ekonomıkalyq jaǵdaıy joǵary, óndirisi men ónerkəsibi qatar damyǵan agrarlyq-ónerkəsiptik aýdan bolyp tabylady. "Meniń Qazaqstanym!" poıyzynyń Muǵal­jar aýdanynda ótkizgen shara­lary tabysty boldy. Kelisim keńesiniń qabyldaýyna 17 adam kelip, kókeılerinde júrgen saýaldarǵa jaýap aldy. Jeke kəsipkerlik salasy boıynsha 49 adamǵa keńes berildi. Jyljymaıtyn múlikti, azamattyq hal-aktilerdi, zańdy tulǵalardy tirkeý jónindegi suraqtar boıynsha 30 adamǵa keńes berildi. Sondaı-aq, 300 adamǵa medısınalyq keńes jəne jərdem kórsetildi. Memlekettik qyzmet kórsetý boıynsha 20 adam, əleýmettik sala boıynsha 30 tulǵaǵa keńes berildi. Budan basqa, túrli taqyryptarda semınar-trenıngterge, leksııalarǵa, kezdesýlerge 420 adam qatysty. Jastarmen ótkizilgen aksııaǵa 300-den astam jas qatysty. «Meniń Qazaqstanym!» poıy­zynyń quramynda kele jatqan bir top depýtattyń bar ekenin burynǵy jazǵan maqalalarymyzda aıtqan bolatynbyz. Olar qoǵam­dyq qabyldaýlar ótkizip, turǵyn­dardyń túrli suraqtaryna jaýap berip keledi. Muǵaljar aýda­nyn­daǵy jumysy týraly Parlament Məjilisiniń depýtaty Kamal Burhanovty əńgimege tarttyq: – Muǵaljar aýdanyndaǵy jumysymyz jemisti boldy, – dedi depýtat. – Meniń bir rıza bolǵanym, qoǵamdyq qabyldaýda bolǵan kisiler ózderiniń jeke bastarynyń problemalarynan góri, ortaq məseleler týraly kóbirek aıtty. Olar «Bizdiń əleýmettik jaǵdaıymyz jaqsy. Bizde gaz bar, sý bar, jaryq bar, turmysqa qajetti dúnıeniń bári bar. Tek qınap otyrǵany joldyń jaǵdaıy ǵana», deıdi. Jol məselesi tek Muǵaljarǵa ǵana qatysty emes. Bul – bolashaqta sheshimin tabatyn məsele. Aıtylǵan máselelerdi aýdan əkiminiń nazaryna jetkizdik. Qabyldaýda bolǵan kópshiliktiń kótergen məselelerin jazyp aldyq. Bulardy Astanaǵa barǵan soń tıisti oryndarǵa jetkizetin bolamyz... Muǵaljar jurty keshke As­tanadan kelgen óner qaı­rat­ker­leriniń konsertin tamashalady. * * * Aqtóbe óńirinen shyqqan «Me­niń Qazaqstanym!» poıyzy 31 naýryz kúni tań alakeýimde Atyraý oblysy Jylyoı aýdanyndaǵy Qulsary qalasyna kelip atbasyn tiredi. Qýanyshtarynda shek joq qulsarylyqtar asta­na­lyq qonaqtardy ystyq yqy­las­pen qarsy aldy. «Meniń Qazaq­stanym!» poıyzyn kútip alý saltanatynda Atyraý oblysy əkiminiń orynbasary Səlimjan Naqpaev, Jylyoı aýdanynyń əkimi Maqsym Izbasov quttyqtaý sóz sóılese, poıyz jetekshisi Ǵazız Telebaev qarymta sóz sóılep, jylyoılyqtardyń yqylasyna rızashylyǵyn bildirdi. Jylyoı aýdany – Atyraý ob­lysyndaǵy jetekshi ónerkəsiptik aımaq. Aýdan kóleminde orna­lasqan barlyq ónim óndirýshi kəsiporyndar ótken jyldyń qorytyndysy boıynsha 4 trln. 395 mlrd. teńgeniń ónimin óndirgen. Bıylǵy jyl basynan 29,2 mln. tonna munaı jəne 14,3 mlrd. tekshe metr gaz óndirilip otyr. Qurylys jumystarynyń kólemi ótken jyly 60 mlrd. 183 mln. teńgeni quraıdy. Aýdan boıynsha kólemi 56 726 sharshy metrdi quraıtyn 366 turǵyn úı salynyp, paıdalanýǵa berildi». «Meniń Qazaqstanym!» poıyzynda Ədilet mınıstrliginiń bir top qyzmetkeri kele jatqa­nyn burynǵy habarymyzda aıt­qanbyz. Olardyń ishinde Perne­baı Rysbaev jyljymaıtyn múlik­ke tólqujat daıyndaý jəne memle­kettik tirkeý məselesi boıynsha jurtshylyqty qabyldaıdy. Ədi­let mınıstrliginiń basqarma basshysy Pernebaı Elemesuly bizben əńgimesinde ózi basqarǵan toptyń jumysy týraly aıtyp berdi: – «Meniń Qazaqstanym!» poıy­zynyń quramynda Ədilet mınıs­trliginiń bir top qyzmetkeri kele jatyr. Ləıla Ermahanova advokatýra, notarıat salasy boıynsha, Marjan Dinǵalıeva azamattyq hal-aktilerin tirkeý məselesi boıynsha, Azamat Ybyraev sot aktilerin oryndaý məselesi boıynsha azamattardy qabyldap, olardy tolǵandyrǵan suraqtarǵa jaýap berýde, – dedi top jetekshisi P. Rysbaev. Keshqurym ədettegideı Qul­sary qalasynyń turǵyndary as­ta­nalyq óner qaıratkerleriniń konsertin tamashalady. Endigi baǵyt – Mańǵystaý ob­lysynyń Beıneý aýdany. Sharafaddın ƏMIROV, «Egemen Qazaqstan». Aqtóbe oblysy.