Tennıs. Zarına Dıas Ýımbldon týrnıriniń 3-aınalymyna shyqty

ASTANA. 1 shilde. Ulybrıtanııada ótip jatqan tennısten Ýımbldon týrnırinde qazaq qyzy Zarına Dıas úshinshi aınalymǵa shyqty. Ekinshi kezdesýinde ol belorýs qyzy Aleksandra Sosnovıchti eki sette 7:5, 6:1 esebimen jeńdi. Bul týraly egemen.kz habarlady. Oıynnyń birinshi setinde qarsylastar teń dárejede óner kórsetti. Tipti alǵashqy eki geımde upaı Sosnovıchtiń enshisine jazylyp, ol esepte alǵa shyqqan edi. Keıin qarsylastar 9-geımge deıin óz doptarynan upaı alyp otyrdy. Sol kezde esep belorýstiń paıdasyna 5:3 bolatyn. Der kezinde jınaqylyq tanytqan Zarına qatarynan 4 márte upaı alyp, birinshi setti óz paıdasyna aıaqtady. Al kelesi sette Z.Dıas qarsylasyn tyrp etkizbedi. Sosnovıchke bar bolǵany bir ǵana upaı ustatqan ol 6:1 esebimen jeńiske jetip, jalpy esepte de basym tústi. Zarına úshinshi aınalymda Andrea Petkovıch (Germanııa) pen Marıana Dýke-Marıno (Kolýmbııa) arasyndaǵy jeńimpazben kúsh synasady. Osy rette, aıta keter jaıt, otandasymyz ótken jyly atalǵan týrnırge alǵash ret qatysyp, tórtinshi aınalymǵa deıin jetken bolatyn. Bıyl da sol nátıjesin qaıtalasa WTA reıtıngindegi jaǵdaıyn aıtarlyqtaı jaqsartady. Bul synda el namysyn qorǵaıtyn taǵy bir tennısshimiz Iýlııa Pýtınseva úshinshi aınalymnyń joldamasy úshin Vınýs Ýılıamsqa qarsy oınaıdy. Al Iаroslava Shvedova, Mıhaıl Kýkýshkın jáne Aleksandr Nedovesovtar birinshi aınalymnan asa almady. Elaman Qońyr. Derek: egemen.kz. Sýret: zimbio.com.