Baıqaýshylar jumysyna kiristi

Elimizde tuńǵysh ret «Saılaýdy baıqaý jónindegi respýblıkalyq qoǵamdyq komıssııa» atty birlestik quryldy. Qoǵamdyq negizde qyzmet atqaratyn birlestikti Nurlan Erimbetov basqarady. Búginde atalǵan uıymnyń fılıaldary jer-jerlerde qurylyp, jumysyn bastady. Keshe osyndaı ókildiktiń Qyzylorda oblysynda qurylǵany da málim boldy. Aımaqtyq fılıaldyń tóraıymdyǵyna Marııa Jomartqyzy bekitilgen. Komıssııanyń mindeti qan­daı? Jumys jospary qalaı túzilmek? Naqty qandaı is­ter atqarady? Osy jáne bas­qa da suraqtarǵa Marııa Jomart­qyzy men onyń orynbasary Baýyrjan Mastekov jýrnalıster aldynda jaýap berdi. Qoǵamdyq birlestik ókil­deri saılaý barysynyń zańǵa sáıkes, barlyq talaptardyń saqtalyp ótýin qadaǵalaıdy. Sonymen qatar, úgit-nasıhat jumystarynyń júrgizilý tártibi men erejeleriniń saq­talýyna da mán beredi. Búgin­de oblys boıynsha 345 saılaý ýchaskesi tirkel­gen. Qoǵamdyq komıssııa ókil­deri óńirdegi árbir ýchaskede jumys isteıdi. Ol úshin erikti-baıqaýshylardan qu­ralǵan 345 adam jumysqa tar­tylǵan. Baıqaýshylardyń barlyǵy naqty oqýdan ótip, belgilengen semınar-trenıngterge qatysyp, bilim-biligi jetildirilip baryp qana jumysqa jiberiledi. Baıqaýshylar saılaý ko­mıssııalarynyń otyrystaryna qatysyp, saılaýshylar sany týraly naqty aqparat alyp, daýys berý kezinde ýchas­ke basynda jumys istep, daýys­tardyń ádil sanalaýyna atsalysyp, jan-jaqty jumys isteıtin bolady. Baıqaýshylardyń ju­mysy nátıjeli bolýy úshin arnaıy reıd uıym­das­tyrylady. So­nymen qatar, atqarylǵan ju­mys­tary týraly buqaralyq aq­parat quraldary men áleý­mettik jelilerde turaqty jarııalanyp otyrady. Taǵy bir aıta keterligi, bul bir saılaýdyń sheńberindegi naý­qandyq jumys emes. Qoǵam­dyq komıssııa aldaǵy ýaqyt­ta turaqty jumys isteý­ge nıetti. Mysaly, keler jyl­ǵy Májilis saılaýy ke­zinde de óz mindetterin atqar­maq. Sondaı-aq, TMD sheń­berindegi saılaýlarǵa da baı­qaýshylaryn jiberip, tájirıbe almasýdy kózdep otyr. Erjan BAITILES, «Egemen Qazaqstan». QYZYLORDA.