Yntymaqtastyqqa óris keń

Keshe Astanada Qazaqstan-Lıtva kásipkerleriniń bıznes-forýmy bolyp ótti. Forýmnyń ashylýyna Qazaqstan Respýblıkasynyń Premer-Mınıstri Kárim Másimov pen Lıtva Respýblıkasynyń Premer-mınıstri Algır­das Býtkıavıchıýs qatysty. Is-sharany Qazaqstan Res­pýb­lıkasynyń Investısııalar jáne damý mınıstrligi men «KAZNEX INVEST» AQ uıymdastyrdy.

Eki eldiń arasyndaǵy ın­ves­tısııalyq-ónerkásiptik yn­ty­maqtastyq baǵdarlamasyn talqylaý jónindegi kelis­sóz­derdiń kezekti kezeńinde ótip otyrǵan bul bıznes-forým­ǵa Qazaqstan men Lıtvanyń mem­lekettik basqarý organdary­nyń, kásiporyndary men uıym­darynyń, damý ınstıtýttary men bıznes qurylymdarynyń 200-den astam ókilderi qatysty. Forýmnyń ashylýyna oraı sóılegen sózinde Qa­zaq­stan Úki­metiniń basshysy Ká­rim Másimov bizdiń elimiz­diń Eýropalyq odaqqa shyǵar jolyndaǵy Lıtvanyń kólik­tik ınfraqurylymdaryn paı­dalanýǵa múddeli ekendigin jetkizdi. Kólik dálizi retin­degi onyń bizge beretin múm­kindikterin atap kórsetti. «Qazaqstan úshin Lıtvanyń ózine, onyń kóliktik ınfra­qurylymdaryna ın­ves­tı­sııalar salý, bul eldiń porttarymen jumys isteý mańyz­dy bolyp tabylady. Son­daı-aq, biz Eýropalyq odaq­qa óz ónimderimizdi eksporttaý úshin Lıtva aýmaǵynan kásip­oryndar qurýdyń múmkindigin paı­dalanǵymyz keledi», dedi óziniń sózinde Qazaqstan Premer-Mınıstri. Kárim Másimov lıtva­lyq bız­nesmenderdi qazaq­standyq kásip­oryndardy ınvestısııalaýǵa shaqyrdy. «Qazaqstanda ınvestısııa sal­ǵysy keletin iskerlerge úlken múmkindikter men sa­lyq jeńil­dikterin beretin arnaý­ly zań qabyldanǵan. Ekono­mı­kamyz bolsa qaryshtap, ósip keledi. Sondyqtan men lıt­va­lyq kompanııalar osy múmkindikterdi paıdalanýǵa umtylys tanytady, olarda Qazaqstan ekonomıkasyn ınvestısııalaýǵa qyzyǵýshylyq týyndaıdy dep úmittenemin. Men sizdiń jáne siz bastaǵan delegasııanyń bizdiń elimizge ja­saǵan bul saparlaryńyz bizdiń elderimiz ben halyqtarymyz arasyn­daǵy qarym-qatynasty keńeı­tý men tereńdetý úshin úlken múmkindikter beredi dep esepteı­min», dep atap ótti Kárim Másimov. Lıtva Premer-mınıstri Algırdas Býtkıavıchıýs óz sózinde Lıtva úshin Qazaqstannyń Ortalyq Azııadaǵy eń mańyzdy áriptes bolyp tabylatyndyǵyn atap kórsetti. «Bizdi óte jaqsy saıası-ekonomıkalyq mádenı qarym-qatynastar baılanystyryp tur. Men sizben osynyń aldynda ekijaqty pishim aıasynda jaqsy áńgime ótkizgen edim. Búgin Astanada kezdeskenimizge qýanyshtymyn», deı kele, bul sharaǵa óziniń úlken delegasııany bastap kelgendigin, osynyń ózi Lıtvanyń Qazaqstanmen aradaǵy saýda-ekonomıkalyq, ınvestısııalyq baılanystaryn nyǵaıtýǵa barynsha múddeli eken­digin bildiretindigin aıtyp ótti. «Sońǵy ýaqyttardyń ózinde Lıtva prezıdenti Qazaqstanǵa eki ret keldi. Bizde qazaqstandyq jastar joǵary oqý oryndarynda bilim alýda. Eki el arasyndaǵy baılanystardy nyǵaıtýda arada qurylǵan vedomstvoaralyq komıssııa jaqsy jumys isteýde», deı kele, sońǵy alty jyldan beri Qazaqstan men Lıtva arasyndaǵy saýda aınalymynyń turaqty túrde ósip kele jatqandyǵyn, búgingi kúni Lıtvanyń Ortalyq Azııamen saýda aınalym kólemi jylyna 1 mıllıard dollardan asyp tússe, munda Qazaqstanmen aradaǵy qarym-qatynastyń úlesi mol ekendigin jetkizdi. Degenmen, soǵan qaramastan, bizdiń aramyzdaǵy ekonomıkalyq yntymaqtastyqty jaqsartýdyń áli tolyq áleýeti iske aspaı otyr. Máselen, biz aqparattyq tehnologııa, medısına, týrızm salalarynda birlesip jumys istep, jaqsy tabystarǵa jetken bolar edik. Bıylǵy jyldyń sońyna taman Shvesııa men Polsha arasyndaǵy qýatty elektr jelisi iske qosylatyn bolady. Elimizdiń porttary irilendirilýde. Biz Azııa men Eýropany baılanys­tyratyn Jańa Jibek joly jobasyna qatysýǵa umtylys tanytyp otyrmyz. Mine, osylardyń barlyǵy bizdiń aramyzdaǵy qarym-qatynastardy nyǵaıtýǵa septestigin tıgizetini anyq, dedi lıtvalyq meıman. Bıznes-forýmda 2005-2014 jyldar aralyǵynda Lıtvadan Qa­zaq­stanǵa kelgen tikeleı ın­vestı­sııa­lardyń jalpy kólemi 9,5 mıl­lıon AQSh dollaryn qura­ǵan­dyǵyn, al osy ýaqyt araly­ǵynda Qazaqstannan Lıtvaǵa salyn­ǵan ınvestısııalar kólemi 9,9 mıl­lıon AQSh dollary bolǵandyǵy aıtyldy. Qazaqstan men Lıtva ara­syn­d­aǵy taýar aınalymy 2014 jyly 436,5 mıllıon AQSh dollary­na jetti. Bul – 2013 jylǵy kór­setkishten 37 paıyzǵa artyq. Iаǵnı, eki el arasyndaǵy ekonomıkalyq yntymaqtastyq barynsha damı túsýde dep aıtýǵa bolady. Bul jolǵy forým da nátıjeli boldy. Forým sońynda birqatar yntymaqtastyq jónindegi kelisimder men memorandýmdarǵa qol qoıyldy. Solardyń qatarynda «Kaznex Invest» AQ-tyń Lıtvanyń «Dýrpeta» JAQ, «Eurofire» JAQ kompanııalarymen jasasqan ózara túsinistik týraly memorandýmdary jáne Astana kásipkerler palatasy men Vılnıýstiń saýda-ónerkásiptik jáne qolóner palatasy arasyndaǵy yntymaqtastyq týraly kelisimder bar. Suńǵat ÁLIPBAI, «Egemen Qazaqstan».