22 mamyrda Astanadaǵy ekonomıkalyq forým aıasynda «Jańa Jibek joly» 3-shi halyqaralyq kóliktik-logıstıkalyq bıznes-forýmy ótkiziledi.
Forýmǵa 200 temirjol ákimshilikteri men halyqaralyq kóliktik-logıstıkalyq kompanııalardyń ókilderi qatysady.
Onda halyqaralyq kóliktik dálizderdi damytýdaǵy memleketaralyq seriktestiktiń jaılary, Transkaspıı halyqaralyq kólik baǵdary, Eýrazııalyq qurlyqta kóliktik-logıstıkalyq sheshimderdi júzege asyrý jaıy qaralady.
Forým barysynda «Jańa Jibek jolyn» damytý barysy talqylanady. Oǵan qatysýshylar halyqaralyq tasymaldy turaqty jasaqtaý, Azııa men Eýropa arasyndaǵy konteınerlik servısti yqpaldastyrý, kóliktik-logıstıkalyq ınfraqurylymdy damytýdaǵy bıznestiń rólin kóterý jaıyn sóz etedi.
Atalmysh kóliktik-logıstıkalyq forým Memleket basshysynyń «Nurly Jol» Joldaýyndaǵy tapsyrmalardy tabysty júzege asyrýdyń qadamdaryn qarap, ony álemdik deńgeıge kóterýdi kózdeıdi.
«Qazaqstan óziniń tarıhı rólin qalpyna keltirip, Ortalyq Azııa óńirindegi tranzıttik jáne iri iskerlik habyna, Eýropa men Azııa arasyndaǵy ózindik kópirge aınalýy tıis. Usynylyp otyrǵan «Jańa Jibek joly» jobasy básekelestikke saı tórt tártipti: jyldamdyq, servıs, quny, saqtalýy men turaqtylyǵyn júzege asyrady», – dep atap ótken edi Prezıdent Shetel ınvestorlary keńesiniń kezekti otyrysynda.
Qazirgi tańda «QTJ» UK» AQ Qazaqstannyń jahandyq ınfraqurylymdyq yqpaldasýyn qamtamasyz etý úshin Eýrazııa qurlyǵyndaǵy tasymaldaý júıesin jasaqtaý jobalaryn júzege asyrýdy bastady, dep habarlady «QTJ» UK» AQ-tyń baspasóz qyzmeti.
