Atyraýda belgilengen merzimderi buzylǵan 47 qyzmet kórsetilgen

ATYRAÝ. 6 naýryz. Atyraý oblysynda byltyr jergilikti atqarýshy organdarmen 1 mln. 400 myńnan astam qyzmet kórsetilgen. Sonyń ishinde belgilengen merzimderi buzylǵan 47 qyzmettiń bary anyqtaldy. Bul týraly egemen.kz tilshisi habarlady. Memlekettik qyzmet isteri jáne sybaılas jemqorlyqqa qarsy is-qımyl agenttigi Atyraý oblysy boıynsha departamenti janyndaǵy qoǵamdyq keńesiniń kezekti otyrysy ótkizildi. Kún tártibine sáıkes otyrystyń qatysýshylarymen jergilikti atqarýshy organdarymen kórsetiletin memlekettik qyzmet sapasyna ishki baqylaý jaǵdaıy týraly, ásirese, olardyń merzimderiniń buzylý jónindegi máseleler qarastyryldy. Sonymen qatar, byltyr memlekettik áleýmettik tapsyrys sheńberinde kórsetilgen memlekettik qyzmetter sapasyna qoǵamdyq monıtorıng nátıjeleri shyǵaryldy. О́tken jyly Atyraý oblysynda jergilikti atqarýshy organdarmen 1 mln. 400 myńnan astam qyzmet kórsetilipti. Onyń ishinde halyqqa qyzmet kórsetý ortalyqtary arqyly – 73 422, memlekettik organdarymen – 1 334 687 jáne elektrondy túrde 3078 qyzmet kórsetilgen bolsa, belgilengen merzimderi buzylǵan qyzmettiń sany 47-ge jetken. Máselen, sáýlet jáne qalaqurylys salasynda 43, bilim berýde 3, sonymen qatar, jerge qatysty 1 qyzmettiń merzimi buzylǵany anyqtalyp otyr. Joldasbek Shópeǵul. Derek: Memlekettik qyzmet isteri jáne sybaılas jemqorlyqqa qarsy is-qımyl agenttiginiń Atyraý oblysy boıynsha departamenti. Sýret: pavlodarstat.kz.