Ombylyq qazaq aqyny bir sózden turatyn kitap shyǵardy

ASTANA. 2 sáýir. Reseıdiń Omby qalasynda turatyn Elýbaı Baqtybaev esimdi ulty qazaq aqyn bir sózden turatyn kitabyn myń danalyq taralymmen shyǵardy. Bul týraly «Sýper Omsk» basylymy jazdy. Kitap shynynda da bir ǵana sózden turady. «Al sodan soń sóz boldy» («A posle bylo slovo») dep atalatyn jınaqta «Iá-á-á-á...» («Da-a-a-a-…») degen bir-aq sóz bar. Al oǵan deıin jáne keıin avtordyń alǵysózi men túsindirmesi berilgen. «Men muny uzaq zerttedim, sosyn jurttyń osy sózdi qalaı aıtatynyn baıqaı bastadym. Áldeqandaı bir jerde áldebir nárse bola qalsa, olar oılanyp alyp, «Iá» degendi aıtady. Bul – qyp-qysqa sóz, biraq ol tutas bir áńgimeni, taqyrypty tolyq almastyra alady. Eger ony áldebir jerde estı qalsań, aıtyp turǵan adamnyń ne oılap turǵanyn oılanyp qalasyń da, aldyn orap ketesiń», - deıdi Baqtybaev. Osy ádebı týyndyny jazý ıdeıasy ombylyq aqynǵa Uly Otan soǵysy maıdanynda shaıqasqan ákesimen sóılesip otyrǵan kezinde kelgen eken. Ol júrip ótken ómir joldaryn eske alǵanda, ár joly oıly qalypta dál osylaı: «Iá-á-á-á...» deıtin kórinedi. Al Elýbaı Baqtybaev birazdan beri jyr jazyp, aqyndyqpen aınalysady eken. Biraq tili orys tilinde qalyptasqandyqtan, oryssha jazady. Onyń shyǵarmalary ınternette jarııalanyp júr. Al 2009 jyly óleńderi men qanatty sózderden turatyn «Kókke qulaq túrgende» («Slýshaıa nebo») degen kitabyn shyǵarypty. Murat Aıtqoja. Mánbe, sýret: Super Omsk.