ALMATY. 20 mamyr. Tártip saqshylary qalany dúrliktirgen pedofıldi tutqyndady. Almaty qalalyq ishki ister departamenti baspasóz qyzmetiniń jetekshisi Saltanat Ázirbek ustalǵan azamattyń 1963 jyly týǵan osy qalanyń turǵyny ekenin málimdedi. Bul týraly tengrinews.kz habarlady.
Budan birneshe kún buryn orta jastan asqan bir er azamattyń búldirshin qyzben kóp qabatty úıdiń aýyzǵy esiginen birge kirip, odan soń qaltarysta óziniń shalbarynyń syrmaǵyn aǵytqany týraly áleýmettik jelide salynǵan vıderolık barsha qaýymnyń jaǵasyn ustatqan. Oǵash kórinis úıge kire-beris esiktegi ornatylǵan vıdeobaqylaý taspasyna tolyqtaı jazylyp qalǵan. Kóp keshikpeı oqıǵanyń Radostoves kóshesindegi kóp qabatty turǵyn úılerdiń birinde bolǵany anyqtaldy.
Almaty qalasy Bostandyq aýdanynyń krımınaldy polısııasy jedel iske kiristi. Polısııanyń jappaı izdestirý sharalarynan habardar bolǵan aýdan turǵyndarynyń biri bólimshege kelip, on jasar qyzyna áldekimniń vıderolıktegideı zorlyq jasaǵanyn baıandady. Tez arada jınalǵan málimetter pedofıl-qylmyskerdiń 40-45 jastar shamasyndaǵy orta boıly, eýropalyq násildegi azamat ekendigin aıǵaqtap ta berdi.
Arada kóp ýaqyt ótpeı, jedel de muqııat is atqarǵan Almaty polısııasy pedofıldiń qolyna kisen salyp, tergeý ızolıatoryna ákelip qamady.
Talǵat Súıinbaı.
Derek, sýret: tengrinews.kz.
