Aqtóbede 2 adamdy óltirgen qylmysker 18 jylǵa sottaldy

AQTО́BE. 20 mamyr. Aqtóbe oblysynyń qylmystyq ister jónindegi mamandandyrylǵan aýdanaralyq soty jergilikti halyqty dúr silkindirgen qylmystyq iske núkte qoıdy. Bul týraly egemen.kz tilshisi habarlady. Naqty aıtsaq, 2012 jyldyń qyrkúıeginde jáne 2015 jyldyń qańtar aıynda azamat V.Lıtvınov Aqtóbe qalasynda eki adamdy óltirgen. Onymen qoımaı, qurbandarynyń biriniń múlkin urlaǵan. Osy qylmysy úshin Qylmystyq kodekstiń 99-baby, 2-bóligi, 13-tarmaǵy jáne 188-babynyń 1-bóligi boıynsha kináli dep tanylyp, 18 jylǵy bas bostandyǵynan aıyryldy. Jazasyn qatań rejimdegi túzeý kolonııasynda óteıdi. Qylmysker 2012 jyldyń qyrkúıek aıynda «Altaı» saýda úıinde jeke kásipker azamat R.Muhambetalınge aıaq kıim satýshy bolyp jumysqa ornalasqan. Baý-baqsha ýchaskesindegi spırttik ishimdik ishýden keıin kásipkermen janjaldasyp qalady. Nátıjesinde qasaqana keýde qýysyna pyshaq salǵan. Jábirlenýshi alǵan jaraqattan qaıtys boldy. Al Lıtvınov sol kúni keshke máıitti qylmys quralymen birge atalǵan ýchaskege kómip tastaǵan. Qoly qanǵa malynǵan qylmysker osy jyldyń 17 qańtarynda taǵy bir adamnyń ólimini sebep boldy. Ol úı telefonymen qońyraý shalamyn degen syltaýmen óziniń burynǵy tanysy G.Korkınanyń úıine kirgen. Áńgime barysynda azamatsha onyń alkogoldik ishimdikterge jaqyn ekenin, sol úshin de jumysta joqtyǵyn aıtqan. О́zine qatysty syndy jeke basyna til tıgizý dep qabyldaǵan Lıtvınov kireberis bólmedegi shkaftyń ústinde jatqan baltany alyp, onyń basyna 20-ǵa jýyq soqqy jasaıdy. Saldarynan jábirlenýshi oqıǵa ornynda qaza tapty. Al V.Lıtvınov jábirlenýshiniń páterinen 3 000 teńge men 25 000 rýbldi jáne baǵasy 3000 teńge turatyn Panasonic markaly radıotelefonyn urlap ketken. Satybaldy Sáýirbaı. Derek, sýret: egemen.kz.