ALMATY. 20 mamyr. Almatyda jol talǵamaıtyn Land Cruiser avtokóligin tizgindegen júrgizýshi №58 balabaqshanyń dýalyn qıratyp, aýlada oınap otyrǵan balalardy basyp ketti. Bul týraly zakon.kz habarlady.
Oqıǵadan soń belgili bolǵanyndaı, júrgizýshi tejegishtiń ornyn shatastyryp, jyldamdyq tetigin basyp jibergen. Kólik jolyndaǵynyń bárin japyryp, balabaqsha aýlasynan bir-aq shyqqan. Oqıǵa ornynda 5 jasar búldirshin qaza tapsa, 4 bala aýrýhanaǵa tústi. Keıbir aqparat kózderinde 8 jetkinshektiń jaraqat alǵany aıtylyp otyr.
Aıta keteıik, oqıǵaǵa sebepker kólik tizgindegen áıel kisi qamaýǵa alyndy. Ázirge polıseıler oqıǵanyń anyq-qanyǵyn naqtylaı túsý úshin tergeýge kiristi.
Talǵat Súıinbaı.
Derek: zakon.kz.
Sýret: tengrinews.kz.
