ASTANA. 6 naýryz. Tennısten Devıs kýbogy jarysynda Andreı Golýbev qarsylasy Andreas Seppıden 1:3 (3:6, 3:6, 7:6 (7:5), 2:6) esebimen jeńildi. Bul týraly egemen.kz habarlady.
Oıyn barysynda Seppıdiń sheberligi basym bolǵanyn moıyndaýymyz kerek. Italııalyq tennısshi ATP reıtınginde 35-orynda tursa, bizdiń sportshy álemniń 91-raketkasy.
Dopty oıynǵa Andreı Golýbev qosty. Salǵan jerden qarsylasyna upaı ustatqan ol birinshi sette úsh upaı oljalady. Kelesi kezeńde Andreıdiń bir dobyn óz paıdasyna sheshken Andreas óz múmkindikterin múlt jibermeı esepti eseledi. Otandasymyz tek úshinshi sette laıyqty qarsylyq kórsete aldy. Sonyń ózinde Seppı setti ońaılyqpen bergen joq. Jeńimpaz taı-breık arqyly anyqtalyp, Golýbev jeńiske jetti. Sol kezde «Dáýlet» Ulttyq tennıs ortalyǵyna jınalǵan qalyń jankúıer kelesi setten zor úmit kútip, Andreıdiń sensasııa jasaıtynyna sengendeı bolǵan. Degenmen, biz kútken nátıje tirkelmedi. Tórtinshi setke bar-joǵy 35 mınýt jumsaǵan ıtalııalyq tennısshi qarsylasyna eki geımdi ǵana berip, oıyndy óz paıdasyna aıaqtady.
Aıta keteıik, bul Devıs kýbogy jarysy Álemdik tobynyń 1/8 fınaldyq oıyny. Dıas Dosqaraev jattyqtyratyn Qazaqstan quramasy búgin Italııamen jarys jolyna shyqty. Ázirge qos komanda arasyndaǵy jalpyesep 1:1. Buǵan deıin elimizdiń nómiri birinshi tennısshisi Mıhaıl Kýkýshkın qarsylasyn jeńip, komandamyzdy alǵa shyǵarǵan bolatyn.
Endi erteń kortqa juptasyp óner kórsetetin tennısshiler shyǵady. Bul synda el namysyn Aleksandr Nedovesov pen Andreı Golýbev qorǵasa, Italııa atynan Fabıo Fonını men Paolo Lorenssı juby oınaıdy.
Astanada ótip jatqan jarys 8 naýryz kúni aıaqtalatynyn aıta keteıik.
Elaman Qońyr.
Derek: egemen.kz.
Sýret: daviscup.com.
ASTANA. 6 naýryz. Tennısten Devıs kýbogy jarysynda Andreı Golýbev qarsylasy Andreas Seppıden 1:3 (3:6, 3:6, 7:6 (7:5), 2:6) esebimen jeńildi. Bul týraly egemen.kz habarlady.
Oıyn barysynda Seppıdiń sheberligi basym bolǵanyn moıyndaýymyz kerek. Italııalyq tennısshi ATP reıtınginde 35-orynda tursa, bizdiń sportshy álemniń 91-raketkasy.
Dopty oıynǵa Andreı Golýbev qosty. Salǵan jerden qarsylasyna upaı ustatqan ol birinshi sette úsh upaı oljalady. Kelesi kezeńde Andreıdiń bir dobyn óz paıdasyna sheshken Andreas óz múmkindikterin múlt jibermeı esepti eseledi. Otandasymyz tek úshinshi sette laıyqty qarsylyq kórsete aldy. Sonyń ózinde Seppı setti ońaılyqpen bergen joq. Jeńimpaz taı-breık arqyly anyqtalyp, Golýbev jeńiske jetti. Sol kezde «Dáýlet» Ulttyq tennıs ortalyǵyna jınalǵan qalyń jankúıer kelesi setten zor úmit kútip, Andreıdiń sensasııa jasaıtynyna sengendeı bolǵan. Degenmen, biz kútken nátıje tirkelmedi. Tórtinshi setke bar-joǵy 35 mınýt jumsaǵan ıtalııalyq tennısshi qarsylasyna eki geımdi ǵana berip, oıyndy óz paıdasyna aıaqtady.
Aıta keteıik, bul Devıs kýbogy jarysy Álemdik tobynyń 1/8 fınaldyq oıyny. Dıas Dosqaraev jattyqtyratyn Qazaqstan quramasy búgin Italııamen jarys jolyna shyqty. Ázirge qos komanda arasyndaǵy jalpyesep 1:1. Buǵan deıin elimizdiń nómiri birinshi tennısshisi Mıhaıl Kýkýshkın qarsylasyn jeńip, komandamyzdy alǵa shyǵarǵan bolatyn.
Endi erteń kortqa juptasyp óner kórsetetin tennısshiler shyǵady. Bul synda el namysyn Aleksandr Nedovesov pen Andreı Golýbev qorǵasa, Italııa atynan Fabıo Fonını men Paolo Lorenssı juby oınaıdy.
Astanada ótip jatqan jarys 8 naýryz kúni aıaqtalatynyn aıta keteıik.
Elaman Qońyr.
Derek: egemen.kz.
Sýret: daviscup.com.
