555 tal raýshan gúli

Ánebir jylǵy áıelder merekesinde qyzylordalyq kásipker súıiktisine mıllıon tal raýshan gúlin syılap este qalǵan» edi, bıylǵy 8 naýryzda óskemendik jigit óz súıiktisine 555 tal raýshan gúlin syılaýǵa nıettenip otyr, dep jazady yk-news.kz. Shyǵystaǵy shahardyń gúl saýdalaıtyn dúkenindegiler er azamattardyń ne­gizinen 101 tal raýshan gúline tapsyrys bergenin aıtady. Sózimizdi naq­tylaıtyn bolsaq, mereke kún­deri oblys orta­ly­ǵyndaǵy 70 jigit óz súıiktilerine 101 tal­dan raýshan gúlin syılamaqshy eken. Al tek bir azamat qana bir­den 555 tal raý­­shan gúline tapsyrys berip ketipti. Jigittiń bul «jomarttyǵyna» satýshylar áli ań-tań. «Keshe bizge bir jas jigit ke­lip, 555 tal raýshan gúline tapsyrys berdi. Bul shamamen 240 myń teńge turady. Árıne, mundaı tapsyrys­tar óte sırek kezdesedi. Negizinen, tutynýshylarymyz 101 tal raýshan syılaǵandy unatatyn», – deıdi «Imperııa» gúl salonynyń dırektory Anýar Muha­madıev. Al «Svetochnaıa lav­­ka» dúkeniniń ıe­geri Darıa Nak­va­sı­na qalada aǵash­tan jasalǵan qorap­tar­dyń erekshe sura­nysqa ıe ekendigin jet­kizgen. Bun­daı qorap­shalarǵa tilek ja­zyl­ǵan ashyqhattar men oıyn­shyqtar, bolmasa bir bótelke aqqaınar salýǵa da bolady eken. Kógildir kóktemniń aıtýly kúninde krea­tıvti syı­lyq jasaǵysy kelgen­der kon­dı­terlik ónimderden jasalǵan jumsaq oıynshyqtar men túrlishe bezen­dirilgen gúl shoqtaryn syılaýdy ádetke aınaldyrǵan. «Egemen-aqparat».