Zańger-ustaz, qaıratker

Qazaq gýmanıtarlyq zań ýnıversıtetiniń prezıdenti, Joǵary mektep ǵylymdary halyqaralyq akademııasynyń akademıgi, zań ǵylymdarynyń doktory, professor Maqsut Sultanuly Nárikbaev jaqynda 75 jasqa tolady. Men Maqsut Sultanulyn 1990 jyldardyń basynan bilemin, jaqyn tanysýymyz 1993 jyly 12 tamyzda Saryaǵash aýdandyq sotynyń bastamasymen ótkizilgen respýblıkalyq semınar-keńeste bastalǵan bolatyn. Osy semınarǵa sol kezdegi Ádilet mınıstri N.Shaı­kenov pen Qazaqstan Res­pýblıkasy Prezıdenti Apparaty quqyq bóliminiń meńgerýshisi M.Nárikbaev qatysqan edi. Mine, sol ýaqyttan beri Maqsut Sul­tanulymen qyzmet babynda jıi aralasatyn boldym. Ol Taldyqorǵan oblysynda qazaq orta mektebin bitirgen soń, Ýkraınanyń Dneprodzerjınsk qalasyndaǵy №8 tehnıkalyq ýchılıshede metallýrg mamandyǵyn aldy. Sodan keıin S.M.Kırov atyndaǵy Qazaq memlekettik ýnıversıtetiniń zań fakýltetin támamdady. Bolashaq tanymal quqyq­tanýshy Temirtaý qalasyndaǵy Qaraǵandy metallýrgııa kombı­natynyń qurylys jumystarynda eńbek etip, mádenı-aǵartý meke­melerinde, buqaralyq aqpa­rat quraldarynda ártúrli laýa­zymdaǵy qyzmetterde baı tájirıbe jınady. Taldyqorǵan oblysynda tergeýshi, advokat, halyq sýdıasy, Ádilet mınıstrligi men Bas prokýratýra apparatynda eńbek etip, úlken ómir mektebinen ótti. Egemen elimizdiń qalyptasý kezeńderinde quqyqtyq reforma satylary boıynsha M.Nárikbaev ózindik úlesin qosty. 1993-1995 jyldary Qazaqstan Respýblıkasy Prezıdenti men Mınıstrler Kabıneti apparatynda memlekettik-quqyqtyq sektor meńgerýshisi, quqyq qorǵaý organdary bóliminiń meńgerýshisi, res­pýblıka Bas prokýrory­nyń ­orynbasary, Joǵarǵy Sot Tór­aǵasy­nyń birinshi orynbasary bolyp qyzmet istedi. Al 1995-2000 jyldary Bas prokýror, Joǵarǵy Sot Tóraǵasy tárizdi joǵary laýazymdardy abyroımen atqardy. Sońynan Joǵarǵy Sot Keńesin basqaryp, QR Prezıdenti janyndaǵy Quqyqtyq saıasat jónindegi keńesiniń jáne Qazaqstan Respýblıkasy Parlamenti janyndaǵy Adam quqyǵy jónindegi komıssııanyń múshesi, Parlamenti Májilisi janyndaǵy Qoǵamdyq palata tóraǵasynyń orynbasary qyzmetterin de atqardy. Joǵarǵy Sottan keıin M.Ná­rikbaevtyń qyzmeti eń aldymen bilim berý júıesimen baılanysty boldy. 2000 jylǵy shilde aıynan bastap ol Qazaq gýmanıtarlyq zań ýnıversıtetin basqardy. Bul ýnıversıtette úz­dik stýdentterge granttar beri­ledi, az qamtylǵan otbasydan shyqqan, jetim jáne ata-ana­nyń qamqorlyǵynsyz qalǵan stýdentterdi áleýmettik qoldaý baǵdarlamalary da bar. Onyń jetek­shiligimen alty zań ǵylym­darynyń doktory jáne on ǵylym kandıdattary daıarlandy. M.Nárikbaev qoǵam qaıratkeri retinde «Quqyqtyq Qazaqstan úshin» qoǵamdyq birlestiginiń jáne «Ádilet» demokratııalyq partııasynyń tóraǵasy sııaqty joǵary laýazymdardaǵy saıası jumystarmen aınalysty. Memleket aldynda sińirgen eń­begi úshin «Parasat», II dáre­jeli «Barys» ordenderimen mara­pattalǵan. Sondaı-aq, ol Qazaqstan Respýblıkasynyń eńbek sińirgen qaıratkeri. Budan basqa kóptegen nagradalar men ataqtardyń ıegeri bolyp tabylady. Qoǵamdaǵy san qyrly qyz­meti men uıymdastyrýshylyq qabiletine qarap Maqsut Sul­tanulyn naǵyz azamat dep aıtýǵa ábden bolady. Buǵan onyń táýelsiz memlekettiń damýynda mańyzdy ról atqaratyn zańnamanyń qa­lyptasýy men júzege asyrylýyna, sot júıesin, zań ǵylymdary men quqyq qoldaný tájirıbesin reformalaýǵa qosqan eren eńbegi kýá. Esbergen ALAÝHANOV, zań ǵylymdarynyń doktory, professor, Qazaqstannyń eńbek sińirgen qaıratkeri.