Kezekti oqý jyly da aıaqtalýǵa jaqyn. Bıyl Halyq Qaharmany, armııa generaly Saǵadat Nurmaǵambetov atyndaǵy «Jas ulan» respýblıkalyq mektebin 75 tárbıelenýshi bitirgeli otyr.
Oqýdy bitirýshi ulandyqtardyń aldynda eki mańyzdy mindet tur. Bul – ulttyq biryńǵaı test tapsyrý nemese mamandyq tańdaý. Mektepte oqýshylardyń UBT-ǵa daıarlyq deńgeıi aıyna 3-4 ret tekserilip, synama testileý tapsyrady.
Sonymen birge, bitirýshiler arasynda mamandyqqa baǵyttaý jumystary da keńinen júrgizilýde. Statıstıka boıynsha, «Jas ulan» túlekteriniń shamamen 90-95%-y áskerı maman bolýdy tańdaıdy.
Áskerı tártip, dene jáne jaýyngerlik daıarlyq, sap túzeý, tártiptilik jáne jınaqylyq – munyń barlyǵy ulandyqtardy azamattyq mektep oqýshylarynan erekshelep qana qoımaı, áskerı oqý ornyna túsýge de mol septigin tıgizedi.
Bolashaqta óz ómirlerin áskerı qyzmetpen baılanystyrǵysy keletin balalar «Jas ulan» mektebinde tálim-tárbıe alady. Qazir atalǵan mektepte 449 ulan bilim nárimen sýsyndaýda.
О́tken jyly mektepti 67 ulan bitirip shyqty. Búginde olar Qurlyq áskerleriniń áskerı ınstıtýtynda, eki márte Keńes Odaǵynyń batyry Talǵat Bıgeldınov atyndaǵy Áýe qorǵanysy kúshteriniń áskerı ınstıtýtynda, Radıoelektronıka jáne baılanys áskerı ınstıtýtynda, QR UQK, TJM jáne IIM joǵary oqý oryndarynda, sondaı-aq, Reseı, Belarýs jáne Qytaı elderiniń Qorǵanys mınıstrligine qarasty joǵary áskerı oqý oryndarynda bilimderin shyńdaýda.
«Egemen-aqparat».
Kezekti oqý jyly da aıaqtalýǵa jaqyn. Bıyl Halyq Qaharmany, armııa generaly Saǵadat Nurmaǵambetov atyndaǵy «Jas ulan» respýblıkalyq mektebin 75 tárbıelenýshi bitirgeli otyr.
Oqýdy bitirýshi ulandyqtardyń aldynda eki mańyzdy mindet tur. Bul – ulttyq biryńǵaı test tapsyrý nemese mamandyq tańdaý. Mektepte oqýshylardyń UBT-ǵa daıarlyq deńgeıi aıyna 3-4 ret tekserilip, synama testileý tapsyrady.
Sonymen birge, bitirýshiler arasynda mamandyqqa baǵyttaý jumystary da keńinen júrgizilýde. Statıstıka boıynsha, «Jas ulan» túlekteriniń shamamen 90-95%-y áskerı maman bolýdy tańdaıdy.
Áskerı tártip, dene jáne jaýyngerlik daıarlyq, sap túzeý, tártiptilik jáne jınaqylyq – munyń barlyǵy ulandyqtardy azamattyq mektep oqýshylarynan erekshelep qana qoımaı, áskerı oqý ornyna túsýge de mol septigin tıgizedi.
Bolashaqta óz ómirlerin áskerı qyzmetpen baılanystyrǵysy keletin balalar «Jas ulan» mektebinde tálim-tárbıe alady. Qazir atalǵan mektepte 449 ulan bilim nárimen sýsyndaýda.
О́tken jyly mektepti 67 ulan bitirip shyqty. Búginde olar Qurlyq áskerleriniń áskerı ınstıtýtynda, eki márte Keńes Odaǵynyń batyry Talǵat Bıgeldınov atyndaǵy Áýe qorǵanysy kúshteriniń áskerı ınstıtýtynda, Radıoelektronıka jáne baılanys áskerı ınstıtýtynda, QR UQK, TJM jáne IIM joǵary oqý oryndarynda, sondaı-aq, Reseı, Belarýs jáne Qytaı elderiniń Qorǵanys mınıstrligine qarasty joǵary áskerı oqý oryndarynda bilimderin shyńdaýda.
«Egemen-aqparat».
