Astanadaǵy Ortalyq kommýnıkasııalar qyzmetinde Qazaqstannyń Isker áıelder qaýymdastyǵynyń 20 jyldyǵyna oraı shyǵarylyp otyrǵan «Jan qanaty» atty kitaptyń tusaýkeseri bolyp ótti.
Atalmysh kitapta Qazaqstannyń Isker áıelder qaýymdastyǵynyń qurylý tarıhy men 20 jylda atqarǵan qyzmetteri, olardyń qoǵamda alatyn ornynyń joǵarylaýy jáne memlekettegi genderlik saıasatty júzege asyrý máseleleri qamtylǵan. Osy ýaqytqa deıin qaýymdastyq áıel jáne jumysbastylyq, áıel jáne bıznes, áıel jáne saıasat, gender jáne damytý, densaýlyq jáne otbasylyq qundylyqtar baǵyttary boıynsha birneshe qoǵamdyq mándi jobalardy júzege asyrǵan. Bul jobalar 5 myńǵa jýyq turaqty múshesi bar 100 myńǵa jýyq adam oqytýdan ótetin qaýymdastyqtyń 20 aımaqtyq bólimshelerinde júzege asyrylǵan.
Birinshi baǵyt boıynsha sońǵy 5 jylda 2 myńdaı áıel oqytylyp, jumysqa turǵan. 2014 jyly qaýymdastyq Densaýlyq saqtaý jáne áleýmettik damý mınıstrliginiń qoldaýymen «Áleýmettik qyzmet salasyndaǵy áıelder arasynda aqparattyq-nasıhattyq jumys» jobasyn júzege asyrypty. Aqparattyq túsindirý jumysyn júzege asyrý barysynda 1500 adam qamtylyp, turǵyndarmen ataýly jumys jónindegi semınarda 300-ge jýyq adam oqytylypty. «Jumyspen qamtýdyń jol kartasy – 2020» baǵdarlamasy boıynsha úsh aımaqtan aýyldaǵy 50 áıel óz isin ashýǵa ótinim berse, áleýmettik saýalnamanyń ótkizilýine 15000 suhbatker qatysypty. «Áıel jáne bıznes» atty ekinshi baǵyt boıynsha «Damý» kásipkerlikti damytý qorymen túsindirý jumystary júrgizilip, aǵymdaǵy jyldyń 23 aqpanynda Soltústik Qazaqstan oblysy isker áıelderimen «Nurly jol – jańa múmkindikter» forýmy, osy naýryz aıynyń basynda «Áıelderdiń kásipkerligin damytý» taqyryby boıynsha dóńgelek ústel ótkizilipti. «Áıel jáne saıasat» baǵyty boıynsha saıasatker-áıelder klýby men eldiń barlyq aımaqtarynda áıelderdiń jetekshilik mektebi qurylypty. «Gender jáne damytý» jobasy aıasynda halyqaralyq forýmdar ótkizilip, Qazaqstannyń Isker áıelder qaýymdastyǵy 2003 jyldan bastap Áıelderdiń ǵalamdyq basqosýynyń, 2011 jyly Búkilálemdik ıslamdyq ekonomıkalyq forýmynyń, 2012 jyly Kásipker áıelderdiń dúnıejúzilik forýmy men basqa da bedeldi halyqaralyq uıymdar tarapynan moıyndalyp, olardyń turaqty seriktesi bolyp tabylypty.
Basqosý barysynda Qazaqstannyń Isker áıelder qaýymdastyǵynyń prezıdenti Raýshan Sársembaeva, qaýymdastyqtyń ókilderi Vera Sýhorýkova, Tatıana Svetkova (Shyǵys Qazaqstan oblysy), Zınatbaný Mýsına (Batys Qazaqstan oblysy), Sáýle Jaqaeva (Mańǵystaý oblysy) men Quralaı Bekenova (Ońtústik Qazaqstan oblysy) óz uıymdarynyń atqaryp kelgen ıgi isterin atap, áli de alda qolǵa alar qomaqty is-shara barysymen tanystyryp ótti.
Berik SADYR,
«Egemen Qazaqstan».
Atalmysh kitapta Qazaqstannyń Isker áıelder qaýymdastyǵynyń qurylý tarıhy men 20 jylda atqarǵan qyzmetteri, olardyń qoǵamda alatyn ornynyń joǵarylaýy jáne memlekettegi genderlik saıasatty júzege asyrý máseleleri qamtylǵan. Osy ýaqytqa deıin qaýymdastyq áıel jáne jumysbastylyq, áıel jáne bıznes, áıel jáne saıasat, gender jáne damytý, densaýlyq jáne otbasylyq qundylyqtar baǵyttary boıynsha birneshe qoǵamdyq mándi jobalardy júzege asyrǵan. Bul jobalar 5 myńǵa jýyq turaqty múshesi bar 100 myńǵa jýyq adam oqytýdan ótetin qaýymdastyqtyń 20 aımaqtyq bólimshelerinde júzege asyrylǵan.
Birinshi baǵyt boıynsha sońǵy 5 jylda 2 myńdaı áıel oqytylyp, jumysqa turǵan. 2014 jyly qaýymdastyq Densaýlyq saqtaý jáne áleýmettik damý mınıstrliginiń qoldaýymen «Áleýmettik qyzmet salasyndaǵy áıelder arasynda aqparattyq-nasıhattyq jumys» jobasyn júzege asyrypty. Aqparattyq túsindirý jumysyn júzege asyrý barysynda 1500 adam qamtylyp, turǵyndarmen ataýly jumys jónindegi semınarda 300-ge jýyq adam oqytylypty. «Jumyspen qamtýdyń jol kartasy – 2020» baǵdarlamasy boıynsha úsh aımaqtan aýyldaǵy 50 áıel óz isin ashýǵa ótinim berse, áleýmettik saýalnamanyń ótkizilýine 15000 suhbatker qatysypty. «Áıel jáne bıznes» atty ekinshi baǵyt boıynsha «Damý» kásipkerlikti damytý qorymen túsindirý jumystary júrgizilip, aǵymdaǵy jyldyń 23 aqpanynda Soltústik Qazaqstan oblysy isker áıelderimen «Nurly jol – jańa múmkindikter» forýmy, osy naýryz aıynyń basynda «Áıelderdiń kásipkerligin damytý» taqyryby boıynsha dóńgelek ústel ótkizilipti. «Áıel jáne saıasat» baǵyty boıynsha saıasatker-áıelder klýby men eldiń barlyq aımaqtarynda áıelderdiń jetekshilik mektebi qurylypty. «Gender jáne damytý» jobasy aıasynda halyqaralyq forýmdar ótkizilip, Qazaqstannyń Isker áıelder qaýymdastyǵy 2003 jyldan bastap Áıelderdiń ǵalamdyq basqosýynyń, 2011 jyly Búkilálemdik ıslamdyq ekonomıkalyq forýmynyń, 2012 jyly Kásipker áıelderdiń dúnıejúzilik forýmy men basqa da bedeldi halyqaralyq uıymdar tarapynan moıyndalyp, olardyń turaqty seriktesi bolyp tabylypty.
Basqosý barysynda Qazaqstannyń Isker áıelder qaýymdastyǵynyń prezıdenti Raýshan Sársembaeva, qaýymdastyqtyń ókilderi Vera Sýhorýkova, Tatıana Svetkova (Shyǵys Qazaqstan oblysy), Zınatbaný Mýsına (Batys Qazaqstan oblysy), Sáýle Jaqaeva (Mańǵystaý oblysy) men Quralaı Bekenova (Ońtústik Qazaqstan oblysy) óz uıymdarynyń atqaryp kelgen ıgi isterin atap, áli de alda qolǵa alar qomaqty is-shara barysymen tanystyryp ótti.
Berik SADYR,
«Egemen Qazaqstan».
