Áýe qaqpasynyń áleýeti joǵary

Baq qonyp, qut daryǵan qazaq dalasy urpaǵyna bar baılyǵyn jomarttana jaıyp tur. Qazaqstan óziniń osy bir ulan-ǵaıyr darhan dalasynyń geografııalyq ornalasýynyń arqasynda Eýropa men Azııa elderin baılanystyratyn altyn kópirge aınaldy. Memleket basshysynyń jaqynda jarııalaǵan Ult josparyn iske asyrý arqyly Qazaqstan iri kólik-logıstıkalyq habqa aınalmaq. Elbasy Nursultan Nazar­baev­tyń 5 ınstıtýttyq reformasyn júzege asyrýǵa baǵyttalǵan 100 naqty qadamda «Eır Astana» ha­lyq­aralyq baǵyttarǵa yńǵaı­las­tyrylady jáne álemniń negizgi qarjy ortalyqtaryna (Nıý-Iork, Tokıo, Sıngapýr) jańa baǵyttar ashady. «Eır Astananyń» damýy «QTJ»-nyń balamaly marshrýttardy  damytý jónindegi josparymen úılestiriledi, bul júkterdi jetkizý qunyn eki eseden astam tómendetýge múmkindik beredi» dep atap kórsetilgen. Osyǵan oraı «Eır Astana» áýe tasymaldaý­shy­sy atalǵan baǵyttarǵa ushý sapar­laryn uıymdastyrý, jańa baǵyt­tardy baǵyndyrý mindetterine kiristi. Búginde «Qazaqstan temir jo­ly» UK» AQ «Qorǵas – Shyǵys qaqpasy» arnaıy ekonomıkalyq aımaǵyn salýdyń sońǵy kezeńin júzege asyrýda. Kompanııa bas­pa­sóz qyzmetiniń habarlaýynsha, kólik-logıstıkalyq keshen ala­ńyn­da basqa da nysandar qury­lysy salynýda. Jaqyn arada ke­dendik rásimdeý ortalyǵy jáne kon­teı­nerlik termınaldar qoldanysqa engiziletin bolady. Kólik-logıstı­kalyq keshen qurylysy aldaǵy ýaqytta da jalǵasady. 2016 jyly halyqaralyq «Batys Eýropa – Ba­tys Qytaı» kólik dálizimen ushtasa­tyn avtokólik joly paıdalanýǵa berilmek. Taǵy bir aıta ketetin másele, «QTJ» UK» AQ qurylymynda arnaıy «Airport Management Group» JShS qurylyp, otandyq birqatar áýejaılardy damytý mindetin qolǵa aldy. «Qazaqstannyń 11 mem­lekettik áýejaıyn damytýǵa 2030 jylǵa deıin 250 mıllıard teńge nemese 1 mıllıard eýro qarjy qarastyrylyp otyr. Bul qarjyǵa áýejaılardyń ushý-qoný alańdary jańǵyrtylyp, jańa termınaldar qurylysy salynyp, ushaqtarǵa qyzmet kórsetetin jańa tehnıkalyq qondyrǵylar satyp alynbaq. Bul atalmysh memlekettik áýejaılardaǵy qyzmet kórsetý sapasyn jaqsartyp, qaýip­sizdikti arttyrady», deıdi «Air­port Management Group» kompa­nııasynyń basqarma tóraǵasy Klod Badan. «Airport Management Group» JShS «KTZ Express» aksıonerlik qoǵamynyń 100 paıyzdyq serik­tes kásiporny bolyp tabylady. Ol memlekettik áýe­jaılardy basqarý maqsatymen «Qazaq­stan temir joly» UK» AQ qurylymynda dúnıege kelgen bolatyn. О́tken jyldyń qyrkúıek aıynda 11 memlekettik áýejaıdyń altaýynyń – Astana, Kókshetaý, Petropavl, Qostanaı, Shymkent jáne Qyzylorda áýejaılarynyń memlekettik paket aksııalary 7 jyl merzimge «Airport Management Group» JShS-ine basqarýǵa berildi. Aldaǵy ýaqytta bul kompanııaǵa Aqtóbe, Atyraý, Pavlodar, Semeı jáne О́skemen qalalarynyń áýe­jaılary da beriledi. Kompanııa bas­shysynyń aıtýynsha, olar bul áýe­jaılardy halyqaralyq stan­dart­tarǵa sáıkes jańǵyrtyp, ushý-qoný qaýipsizdigin jaqsartady. Sonymen birge, olar aldaǵy ýaqytta bul mem­lekettik áýejaılardyń qarjylyq turaqtylyǵyn qamtamasyz etý máse­le­sin de óz mindetterine alyp otyr. Qazirgi ýaqytta «Eır Astana» elordadan Seýl, Parıj jáne Tbı­lısı qalalary baǵyttaryna halyqaralyq ushý saparlaryn júze­ge asyrady. Eske sala ketetin bolsaq, bıylǵy jyly 29 naýryzda «Eır Astana» áýekompanııasynyń «Boıng-757» áýe kemesi Astanadan Parıjge alǵash ret tikeleı ushý saparyn júrgizdi. Endi bul halyq­aralyq ushý sapary aptasyna úsh ret (sársenbi, juma, senbi) qaty­naıdy. Onyń ushý ýaqyty 7 saǵatty quraıdy. Aldaǵy ýaqytta «Eır As­tana» kompanııasy Dýbaı jáne Gon­kongpen tikeleı áýe baılany­syn ornatpaq.  Al 2016 jyly Ja­po­nııa astanasy Tokıo qalasyna tikeleı ushý baǵytyn ashady. 2019 jyly qazaq­standyqtar Nıý-Iork qalasyna tikeleı ushý múmkindigine ıe bolmaq. Elbasy Nursultan Nazar­baev atap kórsetkendeı, bola­shaqta Astanada tórtkúl dúnıemen tikeleı baılanys jasaıtyn  toǵyz joldyń toraby  túıisedi. Jylqybaı JAǴYPARULY, «Egemen Qazaqstan».