QYZYLORDA. 21 mamyr. Respýblıka kóleminde «Nazar aýdaryńyz, jaıaý júrginshi» jedel profılaktıkalyq is-sharasy ótip jatyr. Bul týraly egemen.kz tilshisi habarlady.
Shara aıasynda avtokólik júrgizýshileriniń jaıaý júrginshilerge jol bermeý derekteriniń aldyn alý, profılaktıkalyq baǵyttaǵy jumystardy barynsha jandandyrý maqsatynda Qyzylorda qalasynda ákimshilik polısııa basqarmasynyń jol patrýldik polısııa rota ınspektorlary men buqaralyq aqparat quraldarynyń qatysýymen reıdtik shara uıymdastyryldy.
Reıd barysynda 7 júrgizýshige qatysty ákimshilik hattama toltyrylyp, aıyppul salyndy.
Máselen, keshki saǵat 19:30-da qala ortalyǵyndaǵy Qazybek bı–Qazantaev kósheleriniń qıylysynda jaıaý júrginshige jol bermegeni úshin «Gazel» avtokóligi toqtatyldy. «Gazeldiń» júrgizýshisine ákimshilik quqyq buzýshylyq týraly kodekstiń 600-babyna sáıkes ákimshilik hattama toltyrylyp, aldaǵy ýaqytta jol qozǵalysy erejelerin saqtap, jol qozǵalysyna qatysýshylaryn syılaý kerektigi jóninde túsindirme jumystary júrgizildi.
Al, dál osy kóshelerdiń qıylysynda «Folksvagen Passat» markaly avtokóligi jaıaý júrginshige jol bermegeni úshin toqtatylyp, júrgizýshi atyna ákimshilik hattama toltyryldy.
Erjan Baıtiles.
Derek, sýret: egemen.kz.
