AQSh senatorlary Reseıge qarsy FIFA-ǵa hat joldady

ASTANA. 2 sáýir. AQSh senatorlary fýtboldan 2018 jylǵy álem chempıonatynyń Reseıde ótýine qarsylyq bildirip, FIFA-ǵa hat joldady. Olardyń mundaı qadamǵa barýyna Ýkraınadaǵy jaǵdaı men Qyrym máselesi sebep bolǵan. Bul týraly championat.com habarlady. FIFA prezıdenti Iozef Blatterdiń atyna jazylǵan hatta: «Reseıdiń álem chempıonatyn ótkizýi prezıdent Vladımır Pýtınniń rejımin odan saıyn kúsheıte túsedi. Al shyn máninde ol qazir óz isterine jaýap berýi tıis», – delingen. Hatqa 13 senator qol qoıǵan. Olardyń arasynda AQSh prezıdenttigine úmitker bolǵan Djon Makkeın de bar. Hattyń bir kóshirmesi AQSh fýtbol federasııasyna da jiberilgen. Aıta keteıik, atalǵan álem chempıonaty Reseıde 2018 jyldyń 14 maýsymy men 15 shildesi aralyǵynda ótedi dep josparlanýda. Dop dodasy Reseıdiń 11 qalasynda ótpek. Soltústik kórshimizdiń álemdik mýndıaldy ótkizetini 2010 jyldyń jeltoqsan aıynda belgili boldy. Elaman Qońyr. Derek: championat.com. Sýret: twitter.com.