Qostanaıda birinshi ret aýyl sharýashylyǵy tehnıkalarynyń kórmesi ótti

 QOSTANAI. 2 sáýir. Qostanaıda birinshi ret aýyl sharýashylyǵy tehnıkalarynyń kórmesi óti. Oǵan Qostanaı, Qaraǵandy, Soltústik Qazaqstan, Aqmola oblystarynan, kórshi Reseıdiń Chelıabi oblysynan barlyǵy 60-tan asa kásiporyndar qatysty. Bul týraly egemen.kz tilshisi habarlady. Kórmede jatka, keptirgish, traktorlar, dán atqysh, shashyratqysh sekildi tehnıkalar men jabdyqtardy kórsetti. Tehnıkalar men jabdyqtardyń  qýaty, kólemi  sanalýan.  Sonymen qatar kompanııalar kórmede tek tehnıkalar ǵana emes, aýyl sharýashylyǵyna paıdalanatyn hımııa jáne tuqymdyq astyq jáne quraldardy da aýyl sharýashylyǵy ónimderin óndirýshilerdiń nazaryna usyndy. Mysaly, qostanaılyq «Agrotehservıs» kásiporny jem usaqtaǵysh tehnıkasyn kórmege qoıdy. Suranysqa ıe jabdyq. Kásiporyn ony jergilikti naryqta bes jyldan beri jaqsy ótkizip keledi.  Kórmege qatysqan ınjenerlerdiń aıtýynsha, kórme óz ónimin jarnamalaýǵa utymdy shara. Bul jerden  jańa áriptester  tabylady.  «Agrotehservıs» kásipornynyń dırektory A.Borzenko: «Taýarlarymyzdy satýda qıyndyqtar bar. Qazir ınternet zamany, biraq  bizziń  sharýalardyń kópshiliginde. Al kórme aqparattyq keńistik sekildi. Aýylsharýashylyǵyna jańa kózqaraspen qaraıtyndar, jańasha jumys istegisi keletinder, damýdy kózdeıtinder ozyq tehnıkalar men jabdyqtardy alady», dedi. Kórmeni uıymdastyrýshylar eki jaqqa tıimdi kelisimder jasalady dep úmittenedi. Mundaı kórme kúzgi jıyn-terin aldynda da ótetin bolady. Názıra Járimbetova. Derek: egemen.kz Sýret: egemen.kz