Alash tarıhynyń aqıqaty(Báıge)

Qazaq handyǵynyń 550 jyldyǵyna oraı Qazaqstan Jazýshylar odaǵy men Eýrazııalyq Top (ERG) birlesip ádebı shyǵarmalarǵa báıge jarııalaıdy Tamyryn tereńnen tartar óshpes ótkeni, kóshpes rýhy bar halyq ekenimiz tarıhtan belgili. Ondaǵan ǵasyrlyq zamanalar kóshi osy aıtqanymyzdyń aıqyn dáleli. Ásirese, eldik damýymyzdyń keń qanat jaıyp, tórtkúl álemge ataǵy keń tanylǵan tusy – Táýelsizdik dáýiri. Bul kezeń – Qazaqstannyń memleket retinde shekarasyn aıqyndap, qazyǵyn nyqtap, tórt tarappen baılanysyn myqtap, ekonomıkalyq endikter men saıa­sı baǵytymyzdyń tyń modelin aıqyndap, damýdyń jańa satysyna qadam basqan tarıhı kezeń. Osy jyldar ishinde ótken tarıhymyz ben mádenı muralarymyz qalpyna keltirilip, uly tulǵalarymyzǵa qatysty tarıh qaıta jańǵyrdy. Elbasymyz Ulytaý tórinde ber­gen áıgili suhbatynda: «Qa­zaq handyǵy bizdiń elimizdiń túp-ta­myry. Bul – tuńǵysh memleke­timizdiń bolashaǵyn belgilegen úlken tarıhı oqıǵa. Biz úshin bolashaǵymyzǵa baǵdar etetin, ultty uıystyryp, uly maqsattarǵa jeteleıtin ıdeıa bar. Qazaq eliniń ulttyq ıdeıasy – Máńgilik El» dep tamyrshydaı tap basyp, kópshi­liktiń kókeıinde júrgen arman-tilekti qasıetti topyraqta túletti. Endeshe, «Kókte Táńiri, tómende qara jer jaralǵanda, ekeýiniń arasynda adam balasy jaralǵan, adam balasynyń ústinde meniń ata-tegim Býmyn, Estemı qaǵan otyrǵan. Dúnıeniń tór buryshy solarǵa qaraǵan. Azdy kóp qylǵan, kedeıdi baı qylǵan, tatý elge jaqsylyq qylǵan» uly Dalanyń búgingi murageri – Qazaqstan, Qazaq memleketi. Sondyqtan bıylǵy jyly resmı túrde memlekettik deńgeıde atap ótkeli otyrǵan irgesin Jánibek pen Kereı babalarymyz qalaǵan Qazaq handyǵynyń 550 jyldyǵy – ondaǵan ǵasyrlardan tamyr tartyp, tarıhy tasqa jazylyp qalǵan uly rýhtyń saltanat qurar sáti. Sondaı-aq, ótkenimiz ben búgi­nimizge taǵzym jasap, bolasha­ǵymyzǵa baǵdar beretin bul uly toı óz taǵdyrlaryn memleket qurýshy ulttan bólip qaramaıtyn, qazaq topyraǵyna tamyr baılaǵan ózge halyqtarǵa da ortaq jaýapkershilik júkteıdi. Eldigimizdiń kókjıegin keńeıter, jas urpaqtyń týǵan topyraqqa degen súıispenshiligin arttyrar bul shara qalamger qaýym men tarıhshylarymyzǵa da úlken syn. Osy oraıda, Qazaqstan Jazýshy­lar odaǵy men Eýrazııalyq Top (ERG) birlesip, jańa zaman áde­bıetiniń búgingi kún talabyna saı tyń dúnıelermen toly­ǵýyna jáne sanǵasyrlyq tarıhy­myz­dyń kórkem shejiresiniń jazy­lýyna, sondaı-aq, rýhanı ulttyq muramyz ben eldik-erlik qundy­lyqtarymyzdy ulyqtaýǵa, oqyr­mandy ımandylyqqa, birlikke shaqyratyn, týǵan elin, Otanyn súıýge úndeıtin shyǵarmalardyń dúnıege kelýine uıytqy bolý úshin arnaıy shyǵarmashylyq jabyq báıge jarııalaıdy. Báıgeniń sharttary: Báıgege qazaq halqynyń myń­jyldyqtar qoınaýyndaǵy tarıhı sátterin, basynan keshken qıyndyqtary men jeńisti, jemisti kezeńderin, sonymen qatar, qazirgi kúnniń kókeıkesti máselelerin arqaý etetin, ádebıettiń proza (áńgime, povest, derekti hıkaıat), poezııa (óleńder toptamasy, ballada, poe­ma), dramatýrgııa janr­laryndaǵy buryn esh jerde jarııa­lanbaǵan shyǵarmalar qa­byldanady. Báıgege tek bir ǵana shy­ǵarma joldanýy shart. (Bul óleńder toptamasyna qatysty emes). Kórkem shyǵarmalar kompıý­terlik standartqa saı 14 kegelmen (aralyq-1) terilip, úsh dana etip joldanýy talap etiledi. Báıgege elimizdegi jáne sheteldegi barlyq qalamgerler qatysa alady. Joldanǵan shyǵarmalar búgingi qazaq álipbıimen, kırıllısamen jazylýy mindetti. Báıgege qatysatyn shyǵarmalar búrkenshik atpen qabyldanady, al úmitker týraly tolyq málimet arnaıy bólek konvertke salynyp, shyǵarmamen birge jiberilýi kerek. Shyǵarmalar elektrondy nusqasymen qabyldanady. Shyǵarmalar 2015 jyldyń 10 tamyzyna deıin qabyldanady. Báıge qory: Poezııa Bas júlde – 1 500 000 teńge (bireý). Birinshi oryn – 1 200 000 teńge (bireý). Ekinshi oryn – 900 000 teńge (ekeý). Úshinshi oryn – 600 000 teńge (úsheý). Proza Bas júlde – 1 500 000 teńge (bireý). Birinshi oryn – 1 200 000 teńge (bireý). Ekinshi oryn – 900 000 teńge (ekeý). Úshinshi oryn – 600 000 teńge (úsheý). Dramatýrgııa Bas júlde – 1 500 000 teńge (bireý). Birinshi oryn – 1 200 000 teńge (bireý). Ekinshi oryn – 900 000 teńge (ekeý). Úshinshi oryn – 600 000 teńge (úsheý). Báıgege usynylǵan shyǵar­malar myna mekenjaıǵa joldanady: Almaty qalasy, Aby­laı han dańǵyly, 105-úı. «Qa­zaq handyǵyna – 550 jyl» báıgesine!». Baılanys tel: 8 (727) 2 61 62 95, 2 61 67 22. El. poshta: tolkyn170881@mail.ru, kgulnaz_24@mail.ru Uıymdastyrý alqasy.