Qytaıda oıynqumar áıel kompıýter aldynda bosanyp qaldy

ASTANA. 21 mamyr. Qytaıdyń Nanchan qalasynda adam aıtsa, sengisiz oqıǵa boldy. Jergilikti ınternet-kafelerdiń birinde kompıýter oıyndaryna qumar áıel oınap otyryp, bosanyp qaldy. Eń soraqysy, ózdiginen bosanǵan oıynqumar ana nárestesin edenge qoıa salyp, súıikti oıynyn ári qaraı jalǵastyrǵan. Bul týraly Qytaı aqparat quraldaryna silteme jasap, newsru.com habarlady. Internet-kafege kelýshilerdiń biri shyńǵyrǵan áıeldiń daýsyn estip, qasyna barǵanda jaǵa ustatar jaıtqa kýá boldy. Ol 24 jastaǵy jańa bosanǵan áıelge sýǵa shomylyp alýǵa keńes beredi. Alaıda, kelinshek aldymen onlaın-oıynyn aıaqtap alǵysy keletinin aıtqan. Bul jaıtqa qaıran qalǵan kýágerler sábıdi jórgekke orap, jedel járdem shaqyrtty. Keıin jaýapsyz ananyń otbasyna renjip, úıinen ketip qalǵany belgili boldy. Dosynyń úıine barmaq bolǵan ol ámııanyn joǵaltyp alǵan. Soǵan baılanysty dosyn oıynhanada kútpek bolǵan. Bolǵan jaıttan habar alǵan qyzdyń ata-anasy men sábıdiń ákesi ana men bala ornalastyrylǵan aýrýhanaǵa kelgen. Elaman Qońyr. Derek: newsru.com. Sýret: muz4in.net.