QOSTANAI. 2 sáýir. Uly Otan soǵysynda qaza tapqan qostanaılyq jaýynger Qasym Ahmetovtyń Keńes Odaǵynyń Batyry ataǵyna usynylǵany 72 jyldan keıin belgili boldy. Ony bozdaqtyń týystary Podolk qalasyndaǵy Reseıdiń Qorǵanys mınıstrligi arhıvinen tapty. Bul týraly egemen.kz tilshisi habarlady.
Marapattaý qaǵazynda Belorýs maıdany, 63-armııanyń, 41-atqyshtar dıvızııasy, 244-atqyshtar polki, 2-atqyshtar rotasynyń bólimshe komandıri, kishi serjant kishi serjanty Qasym Ahmetovtiń Keńes Odaǵynyń Batyry ataǵyna usynylǵany aıtylady. 1943 jyly 30 jeltoqsanda usynylǵan marapattaý qaǵazynda: «jold. Ahmetov 244-atqyshtar polky qurylǵannan bastap, barlyq urystarǵa belsendi qatysty. 1943 jyly 26 shildede Hatetovo temir jol stansasynyń mańynda nemistiń artıllerııa jáne pýlemet kúshine qarsy urysta «Otan úshin», «Stalın úshin» degen uranmen rotany jaýǵa qarsy kóterip, temir jol stansasyn alǵanda, birinshi bolyp jetken. О́z erligimen Ahmetov osy shaıqasta nemisti jeńgeni úshin Qyzyl Tý ordenimen marapattaldy.
1943 jyldyń 23 jeltoqsanynda Malyı Kozlovıchı selosynyń aýmaǵynda nemis áskerleri tank pen zeńbire kúshteriniń qoldaýymen yńǵaıly mejeni (zırat aýmaǵy) alýǵa tyrysty. 17 adamnan quralǵan Ahmetov basqarǵan top 3 saǵat boıy tolyq qamalda 6 ret jaıaý áskermen, tank jáne zeńbirekter qoldaýymen nemis shabýylyna toıtarys bere bildi. Bul shaıqasta 100-den astam nemis jaýyngerin joıyp, 3 kún boıy surapyl qandy shaıqasta alynǵan mańyzdy meje jaýǵa berilmedi. Otan úshin jasaǵan erligine Ahmetov joldas Keńes Odaǵynyń batyry ataǵyna usynýǵa laıyqty» dep jazylǵan. О́tinishtiń sońyna 244-atqyshtar polkiniń komandıri M.V..Kolesov pen 41-atqyshtar dıvızııasynyń general-maıory A.I.Sýrchenko qoldaıtyndyǵyn qoldap, qol qoıǵan.
Osy marapattaý qaǵazy áskerı mekemelerde qaralmaǵan. Onyń ne sebepti joǵary satyǵa jetpeı qalǵany belgisiz. 1945 jyly 16 sáýirindegi shaıqasta avtomotshylar vzvodynyń komandıri Qasym Ahmetov qaza tabady. Onyń súıegi Germanııanyń Brandenbýrg jerindegi Oderdegi Frankfýrt okrýginiń Zeelov aýdany Lebýs eldi mekeninde jerlengen.
Qasym Ahmetov Qostanaı oblysy Meńdiǵara aýdanyndaǵy Tóleńgit aýylynda 1917 jyly týǵan. 1939 jyly Qyzyl Armııa qataryna alynyp, soǵysyna qatysady. Uly Otan soǵysy bastalǵan soń maıdanǵa attanady. Qasym Qyzyl Tý ordeninen basqa I dárejeli «Uly Otan soǵysy» ordenimen, 3-dárejeli «Dańq» ordenimen marapattalǵan. Osynyń barlyǵy da jıyrmanyń ishinde qyrshynynan qıylǵan batyr bozdaqtyń erlik isterin beıneledi.
Názıra Járimbetova.
Derek, sýret: egemen.kz.
