German Gref «Ult jospary – 100 naqty qadamdy» sıngapýrlik baǵdarlamaǵa teńedi

ALMATY. 21 mamyr. Reseılik «Sberbank»-tiń Basqarma tóraǵasy German Gref Prezıdent Nursultan Nazarbaevtyń «Ult jospary – Bes ınstıtýttyq reformasyn júzege asyrýǵa baǵyttalǵan 100 naqty qadamyn» oqyǵannan keıin óziniń «mádenı eseńgirep» qalǵanyn málimdedi. Bul týraly IA «Novostı-Qazaqstan» habarlady. Astanada ótip jatqan ekonomıkalyq forým barysynda Germen Gref: «Qazaqstan Prezıdentiniń «100 naqty qadam» týraly taıaýda jarııalanǵan qujatyn sizderdiń oqyp úlgergen-úlgermegenderińizdi bilmeımin. Biraq men bul qujatty oqyp shyqqanda «mádenı eseńgirep» qaldym» – dedi. О́zi atap aıtqandaı memleket damýynyń tamasha baǵdarlamasy bolyp sanalatyn qujatqa qatysty ol odan ary: «Qazaqstan álemdegi eń bir mansapty baǵadarlamasymen bastama jasady. Men bul baǵdarlamamen tanysý barysynda beıne bir Sıngapýr úkimetiniń baǵdarlamasyn oqyp otyrǵandaı kóńil-kúıde boldym. Menińshe bul baǵdarlamaǵa talaı-talaı eýropalyq elderdiń úkimetteri tańdanyspen qyzyǵýshylyq bildiredi dep oılaımyn», – dep aǵynan jaryldy. Talǵat Súıinbaı. Derek, sýret: IA «Novostı-Qazaqstan».