«Qaz qonaq» eskertkishi IýNESKO qorǵaıtyn nysandar tizimine alynady

Pavlodar. 2 sáýir.  «Qaz qonaq» eskertkishi IýNESKO qorǵaıtyn nysandar tizimine alynady. Bul týraly egemen.kz tilshisi habarlady. Oblystyq kásipkerlik, saýda jáne týrızm basqarmasynyń málimetinshe  oblys ortalyǵyndaǵy  bul eskertkishtiń IýNESKO  tizimine enýi úshin áli kóp jumystar atqarylýy  qajet. Tabıǵı eskertkishti «Mádenı jáne tabıǵı mura» halyqaralyq baǵdarlamasyna engizý –úshin  aldymen jergilikti jerdiń ózinde qorǵalý kerek.  2016-2018 jylǵa josparlanǵan  bul jumysqa 73 440 myń teńge jumsalmaqshy.  Úkimet nazaryna «Qaz qonaq» tabıǵı tarıhı dala murajaıynyń qurylysyn bastaý  týraly  usynys jasaldy. Bul  paleontologııalyq eskertkishti 1928 jyly Reseı ǵalymy Iýrıı Orlov ashypty. Osy jerde teńiz bolǵan desedi. Oblysta tropıkalyq ań-qustar qańqalary tabylǵan soń  eskertkish 1971 jyly «Qaz qonaq» atalyp, respýblıkalyq mańyzy bar tabıǵı eskertkishterdiń qataryna alyndy. 2001 jyly «Qaz qonaqqa» « Qazaqstannyń tabıǵat eskertkishi» mártebesi berildi.  Farıda Byqaı. Derek: egemen.kz Sýret: egemen.kz