Memleket basshysy Lıýksembýrg premer-mınıstrin qabyldady

ASTANA. 21 mamyr. Elbasy VIII Astana ekonomıkalyq forýmyna qatysýǵa kelgen Lıýksembýrg premer-mınıstri Ksave Betteldi qabyldady. Bul týraly akorda.kz habarlady. Kezdesý barysynda eki eldiń yntymaqtastyǵyn nyǵaıtý tetikteri qarastyryldy. Sondaı-aq, Qazaqstan men Eýropalyq odaq arasyndaǵy qarym-qatynastardy atalǵan Odaqqa Lıýksembýrgtiń aldaǵy tóraǵalyǵy aıasynda kúsheıtý máseleleri sóz boldy. Memleket basshysy bizdiń elimiz byltyr Qazaqstan men Eýropalyq odaqtyń keńeıtilgen seriktestigi men yntymaqtastyǵy týraly kelisim jobasy jónindegi kelissózderdi aıaqtaý týraly qujatqa qol qoıǵanyn eske saldy. «Sizder tóraǵalyq etken kezeńde osy úderister aıaqtalady dep úmittenemin. Elderimizdiń dostyq qatynastaryn eskere otyryp, Eýropalyq odaqpen ózara yqpaldastyq kezinde vıza rejımin jeńildetýdi, avıasııa salasyndaǵy shekteýlerdi alyp tastaýdy qamtıtyn birqatar máselelerdi sheshý isinde sizdiń qoldaýyńyzǵa súıenemiz», – dedi Nursultan Nazarbaev. Taraptar Qazaqstan men Lıýksembýrg arasyndaǵy yntymaqtastyqty ári qaraı nyǵaıtýdyń mańyzdylyǵyn atap ótti. Elaman Qońyr. Derek, sýret: akorda.kz.