Petropavlda 9 aılyq sábı ólimnen qutqaryldy

PETROPAVL. 21 mamyr.  Tótenshe jaǵdaılar jónindegi departament, órt sóndirý, sýda qutqarý mekemeleriniń qyzmetkerleri donorlyq qan tapsyryp, 9 aılyq sábıdiń ómirine arasha turdy. Bul týraly oblystyq «Soltústik Qazaqstan» gazeti habarlady. Oblystyq tótenshe jaǵdaılar jónindegi departamenttiń bólim bastyǵy Erken Jumataev osy salada 16 jyldan beri jumys istep keledi.  Talaı adamdy ajal aýzynan qutqarǵan onyń otbasy aıaq astynan qıyndyqqa tap boldy. Jumataevtardyń 9 aılyq ulynyń qan quramyndaǵy gemoglobınniń kúrt tómendep ketýi saldarynan ómirine úlken qater tóndi. Onyń aldynda 6 aılyǵynda týǵan sábıdidiń ómiri úshin   dárigerler úsh apta kúresip, betin áreń qaratqan edi. Alannyń densaýlyǵyn túzeý úshin 10-15 adamnyń qany jetetin edi.  Alaıda, Erkenniń áriptesteri dereý qamqor qolyn sozyp, bir kúnniń ishinde 56 adam donor kezeginde turdy. Sol kúni nárestege qan quıyldy. Osylaısha otbasymen aman-esen qaýyshty. «Ortalyqqa tapsyrylǵan donorlyq qan áli talaı adamnyń ómirin saqtap qalaryna shúbá joq. Osyndaı qysyltaıań sátte kómekke janushyra umtylǵan joldasymnyń áriptesterine dán rızamyn», deıdi 9 aılyq sábıdiń anasy Gúlmıra.  О́mir Esqalı. Derek: oblystyq «Soltústik Qazaqstan» gazeti. Sýret: egemen.kz