Qaraǵandyda taksıler sary túske boıalýy múmkin

QARAǴANDY. 3 shilde. Qaraǵandyda «Qaýipsiz jol» dep atalatyn jol qozǵalysy qaýipsizdiginiń qaýymdastyǵy qaladaǵy taksılerdiń bárin sary túske boıap tastaý jóninde bastama kóterdi. Bul týraly zakon.kz habarlady. Bastamashy toptyń aıtýynsha, mundaı qadamǵa olar keıingi kezde qalada zańsyz adam tasıtyn «taksılerge» degen qaraqshylyq shabýyldardyń kóbeıip ketkenimen túsindiredi. Bul – bir, ekinshiden olar Qaraǵandy taksıiniń túsi eýropalyq standarttarǵa saı bolýy kerek dep sanaıdy. Negizi, bul bastama osydan eki jyl buryn kóterilip, aıaqsyz qalǵan bolatyn. Olardyń usynysy boıynsha tasıdiń túsi sary bolý kerek te, ár aýdan kólik syrtyn ózinshe bezendirýge tıis-tin. Jolaýshylar tasymalymen aınalysatyn uıymdar bul bastamany jaqtyryp otyrǵan joq. Taksı júrgizýshileriniń de pikiri «Basty aýyrtpasynǵa» saıady. «Dalada jatqan aqsha joq. Aqshasyn tólesin, qazir-aq boıatyp tastaımyn», – degender de bar olardyń arasynda. Qaırat Ábildınov. Derek: zakon.kz. Sýret: kp40.ru.