Qyzylordalyq stýdent kilem tazalaıtyn ortalyq ashty

QYZYLORDA. 27 tamyz. Qyzylordada 20 jastaǵy jas kásipker Ǵabıden Jaqsylyq kilemdi kásibı tazalaıtyn «Ansarlar» ortalyǵyn ashyp, halyqqa qyzmet kórsete bastady. Bul týraly egemen.kz tilshisi habarlady. Kásiporynnyń jas dırektory qyzylordalyqtarǵa joǵary sapada kilem tazalaý qyzmetin usynyp otyr. Startaperdiń jobasy aıasynda satyp alynǵan sońǵy úlgidegi tehnologııa kilemniń túpki daqtaryn da tazalaýǵa múmkindik beredi. Ǵabıdenge kásipker aǵasy 3 mıllıon teńge kómek bergen. Alaıda, jobany tolyq júzege asyrý úshin bul qarajat jetkiliksiz bolyp shyqty. Kásipkerler aqyldasa kele bankten nesıe alýǵa bekinedi. Osylaısha, memlekettik qoldaý baǵdarlamalary aıasynda alǵan 11,5 mıllıon teńge nesıe qarjysyn jas kásipker búginde tolyq ıgerip otyr. «Damý» qorynyń qyzmetkerlerinen «Bıznestiń jol kartasy 2020» baǵdarlamasy týraly estigen soń birden qatysýǵa bekindim. Jobamnyń 30 paıyzyn jabatyn kepildeme qoıyp, «Damý» qorynyń 70 paıyz kepildendirýi arqasynda nesıe alyp bıznes ashtym», – deıdi jas kásipker. Erjan Baıtiles. Derek, sýret: egemen.kz.