PETROPAVL. 21 mamyr. Eńbek mıgranttaryna ruqsat berý úrdisi jeńildetilgeli Qyzyljar óńirinde 1500 sheteldik jumysqa turý múmkindigin ıe boldy. Bul týraly egemen.kz tilshisi habarlady.
Tek bıyldyń ózinde kóshi-qon polısııasy qyzmetkerleri tarapynan sheteldik azamattardy eńbekke ornalastyrýǵa 358 ruqsat berilgen. Olardyń arasynda 70 áıel, aspaz, úı kútýshi bolyp ornalasqan. Sheteldik jumysshylar negizinen О́zbekstannan kelgender bolyp tabylady. Olardyń basym bóligi qurylys salasynda jumys atqarady.
Alaıda, sheteldik jumys kúshin zańsyz tartý faktileri de kezdespeı qoımaıdy. Petropavl qalasynyń bir kásipkeri О́zbekstannyń eki azamatyn tıisti qujattarsyz ashanaǵa jumysqa alǵany úshin 50 myń teńge aıyppul tólegen. Alaıda azamatsha aıyppuldy 7 kún ishinde tólegeni úshin jańa zańnamaǵa sáıkes onyń kólemi 50 paıyzǵa qysqarǵan.
«Jyl basynan zańsyz eńbek qyzmeti úshin 12 jumys berýshi, 16 shetel azamaty jaýapkershilikke tartyldy», deıdi SQO IID kóshi-qon polısııasy basqarmasynyń bastyǵy Erketaı Tutqyshev.
О́mir Esqalı.
Derek: QazAqparat.
Sýret: Soltústik Qazaqstan oblystyq kóshi-qon polısııasy basqarmasy.
