Astana – el tiregi, ult júregi

Keshe qala kúni merekesine oraı elordadaǵy Abaı eskertkishi aldynda «Astana – el tiregi, ult júregi» atty kitap jáne poezııa merekesi atalyp ótti. Shara maqsaty – elimizdiń mádenı salt-dástúrlerin saqtaý, damytý jáne Qazaqstannyń aqyn-jazýshylarynyń shyǵarmashylyǵyn keńinen nasıhattaı otyryp, urpaqty ultjandylyqqa, otansúıgishtikke tárbıeleý. Sonymen qatar, balalar men jasóspirimderdi kitap oqýǵa yntalandyrý, olardyń shyǵarmashylyq áleýetin oıatyp, shyǵarmashylyq qabiletin ushtaý. Saltanatty sharany Jazýshylar odaǵynyń Astana qalalyq fılıalynyń tóraǵasy, aqyn  Nesipbek Aıtuly ashty. Bul poezııa merekesi bizdiń qoǵamymyzdyń jańarýy men damýyna, mádenı qundylyqty nasıhattaýda shynaıy qulshynys bar Astana qalasynyń zııaly qaýym ókilderi men jas aqyndar qatysatyn shyǵarmashylyq alań bolmaq. Kókiregin shattyq pen qýanysh kernegen jas aqyndar Astanaǵa arnalǵan óleńderin oqyp, merekege qatysýshylardyń rýhyn asqaqtatty. Bıylǵy kitap jáne poezııa merekesi Qazaq handyǵynyń 550 jyldyǵy, UOS Jeńisiniń 70 jyldyǵy, men QHA – 20, Konstıtýsııanyń – 20  jyldyǵy jáne Uly Abaıdyń 170 jyldyǵy aıasynda ótti. Astana qalasy ákimdiginiń «Ortalyqtandyrylǵan kitaphanalar júıesi» KMM uıymdastyrǵan 20 metrge sozylǵan «2015 jyl – ulttyq tarıhymyzdy ulyqtaý, búgingi bıikterimizdi baǵalaý turǵysynan mereıli belester jyly» atty kitap kórmesi de poezııa merekesiniń mánin arttyra túskendeı boldy. Kitap kórmesi Astananyń tarıhy, jemisi men jeńisi, jetken jetistikteri  men joǵaryda aty atalǵan aıtýly datalarǵa oraı, bas-aıaǵy 650 kitap qoıyldy. Merekelik baǵdarlama aıasynda Qazaq handyǵynyń 550 jyldyǵyna arnaǵan M.Gorkıı atyndaǵy orys drama teatry ártisteriniń oryndaýynda «Saq patshaıymy – Tumar» qoıylymynan úzindi berildi. Álemdegi eń ataqty áıel patshalardyń biri Tomırıs hanshanyń jeńilýdi bilmeıtin asqan qaharmandyǵyna kórermender qanyq boldy. Sonymen qosa, UOS Jeńisiniń 70 jyldyǵyna arnalǵan Tarıhı faktiler kaleıdoskobyna toqtalyp ótsek. Bul blokta 2015 jyldyń 2 sáýir aıynda 10-16 jas aralyǵynda mektep oqýshylary arasynda «Máńgilik El» taqyrybyna óleń jáne «Men atammen maqtanamyn!» shyǵarma jazý saıysy jarııalanǵan bolatyn. Sol saıystyń qorytyndysy boıynsha jeńiske jetken jeńimpazdarǵa qala ákimdiginiń arnaıy syılyqtary men Alǵys hattary tabystaldy. Sondaı-aq, soǵys ardagerlerine qoshemet kórsetilip, áskerı hordyń qatysýymen konserttik baǵdarlama berildi. Shara sheńberinde Uly Abaıdyń 170 jyldyǵyna arnalǵan Abaı oqýlary «Asyl sózdi izdeseń, Abaıdy oqy, erinbe» shyǵarmalaryn mánerlep oqý, Qazaqstan halqy Assambleıasynyń 20 jyldyǵyna arnalǵan «Bir halyq – bir el – bir taǵdyr» ádebı marafonyna Astana qalasynyń  barlyq mádenı-ulttyq ortalyqtary qatysty. Olar ózderiniń ulttyq salt-dástúrlerin, mádenıeti men ádet-ǵurpyn kórsete otyryp, óz tilderinde án shyrqap, ulttyq bılerimen qala turǵyndaryn qýanyshqa bóledi. Bıylǵy jyly da poezııa merekesin erekshelendiretin kitaphanalar júıesi 2013 jyldan beri uıymdastyrylyp kele jatqan dástúrli shara – «Oqy, Astana! Oqıtyn kez keldi» atty aksııa. Atalmysh shara barysynda kitaphanalarda jyl boıyna úzbeı kitap oqyǵan oqyrmandar arnaıy syılyqtarmen marapattaldy. Jáne Astana kitaphanalary týraly aqparattyq býkletter men aqyn-jazýshylardyń kitaptary úlestirilip, sala qyzmetkerleriniń qatysýymen fleshmob oryndaldy. Raýshan TÁÝIRHANQYZY, jýrnalıst.