ASTANA. 22 mamyr. Qazaq kúresinen «Qazaqstan barysy-2015» týrnıriniń fınaldyq kezeńine qatysatyn 32 palýannyń esimi belgili boldy. Olardyń ishindegi 13 palýan atalǵan dodada alǵash ret baq synamaq. Bul týraly «Qazaqstan barysy» qazaq kúresin damytý qorynyń baspasóz qyzmeti habarlady.
Osyǵan oraı búgin Almaty qalasynda baspasóz máslıhaty ótti. Oǵan «Nur Otan» partııasy tóraǵasy birinshi orynbasarynyń keńesshisi Arman Qyryqpaev, «Astana-EKSPO-2017» ulttyq kompanııasy» aksıonerlik qoǵamy basqarma tóraǵasynyń keńesshisi Tastanbek Esentaev, Qazaq kúresi federasııasynyń prezıdenti, «Qazaqstan barysy» qazaq kúresin damytý qory qamqorlyq keńesiniń tóraǵasy Arman Shoraev qatysty.
Jıyn barysynda bıyl 5-shi ret ótetin týrnırdiń júlde qory 225 000 AQSh dollaryn quraıtyny belgili boldy. Onyń ishinde 35 myń dollar jattyqtyrýshylarǵa taǵaıyndalǵan.
1-oryn – 150 myń AQSh dollary;
2-oryn – 30 myń AQSh dollary;
3-oryn – 10 myń AQSh dollary.
32 palýannan bólek, 2014 jylǵy «Qazaqstan barysy» týrnıriniń jeńimpazy Muhıt Tursynov bıylǵy saıysqa irikteýsiz qatysatyny belgili. Dodanyń fınaldyq kezeńi 5 shildede Astanadaǵy «Saryarqa» respýblıkalyq velotreginde ótedi.
«Qazaqstan Barysy 2015» týrnıriniń sheshýshi básekesine qatysatyn palýandar:
Aqmola oblysy: Nurlan Jamalov, Áset Júnisov;
Aqtóbe oblysy: Baqtybaı Qısyqov, Shyńǵys Shoqputov;
Almaty oblysy: Aleksandr Kasachev, Qazybek Ramazanov;
Atyraý oblysy: Tabıǵat Maǵaýııauly, Naýryzbek О́teýov;
Batys Qazaqstan oblysy: Erlan Musaǵalıev, Oljas Súleımenov;
Jambyl oblysy: Aıbol Aıtbek, Beıbit Ystybaev;
Qaraǵandy oblysy: Erjan Shynkeev, Asyl Barmenov;
Qyzylorda oblysy: Nurym Sálimgereev, Rýslan Ábdirazaqov;
Qostanaı oblysy: Erlan Omarov, Maksım Gerber;
Mańǵystaý oblysy: Nurdáýlet Jarylǵapov, Meırambek Jańabaı;
Ońtústik Qazaqstan oblysy: Jumanazar Ersultanov, Nursultan Myńǵyshov;
Pavlodar oblysy: Arman Mahambetov, Alan Turysov;
Soltústik Qazaqstan oblysy: Rústem Jumaev, Tólegen Jetpisbaev;
Shyǵys Qazaqstan oblysy: Aıbek Nuǵymarov, Talǵat Ámirenov;
Almaty qalasy: Maqsat Qıqymov, Baqyt Smaǵulov;
Astana qalasy: Ǵanı Seıdildaev, Aıbat Seıten.
2014 jylǵy «Qazaqstan barysy» – Muhıt Tursynov.
Elaman Qońyr.
Derek: «Qazaqstan barysy» qazaq kúresin damytý qorynyń baspasóz qyzmeti.
Sýret: sports.kz.
