QOSTANAI. 22 mamyr. Qostanaıda Mádenıet kúni atalyp ótti. Onda oblysta osy salanyń maıtalmandary oblys ákiminiń gramotasymen marapattaldy. Bul týraly egemen.kz tilshisi habarlady.
Qostanaıda mádenıet salasynda júrgen qyzmetkerlerge jyl saıyn tól merekelerinde qurmet kórsetiledi. Bıyl da olar oblys ortalyǵyndaǵy Dostyq úıinde jınaldy. Osynda ótken dóńgelek ústel májilisinde olardy oblys ákiminiń orynbasary Murat Dáribaev quttyqtady. Ol mádenıet salasynyń qyzmetkerlerine oblys ákiminiń gramotasyn tapsyrdy.
Murat Dáribaev: «Bizdiń Elbasy ekonomıkalyq, áleýmettik jáne saıası damýymyzdyń mańyzdy faktoryna demeýshi bolatyn aqparattyq-mádenı orta qurýdy árdaıym aıtyp keledi. Ony qurý mádenıet qyzmetkerleri sizderdiń qolyńyzda», dedi.
Munan keıin oblystyq mádenıet basqarmasynyń basshysy Larısa Seroýs baıandama jasap, oblystaǵy atqarylǵan isterdi sholdy. Oblysta «Zolotoı mıkrofon» án baıqaýy 13 jyldan beri ótip keledi, sonyń arqasynda ár elden kelip qatysqan 75 talant belgili boldy. Oblystyq tarıhı-ólketaný mýzeıindegi jádigerlerdi bir jylda 117 myń adam kelip tamashalaǵan. Mýzeıdiń oblys óńirindegi arheologııalyq eskertkishterdi oqyrmanǵa pash etýi de óz aldyna úlken áńgime, ıgi jumys.
Kitaphana salasynda da jyl boıy ıgi jumystar úzilmeıdi, sońǵy jyldary kitap oqý onkúndikteri jıi ótkiziledi. Teatr, kıno teatrlar halyqqa minsiz qyzmet etedi. «Osylardyń barlyǵyn mádenıet salasynda qyzmetkerler armııasy atqarady» deı kelip, Larısa Aleksandrovna sala qyzmetkerlerine oblystyq Mádenıet basqarmasynyń gramotasyn tapsyrdy. Sonymen qatar Mádenıet absqarmasynyń basshysy mádeneıt salasynda óziderimen tyǵyz baılanysta jumys isteıtin Jazýshylar, Sýretshiler odaqtary jergilikti fılıaldarynyń basshylaryna, jýrnalısterge de alǵys hat tabys etti.
Názıra Járimbetova.
Derek, sýret: egemen.kz
