Qostanaı oblysynda órt sóndirý beketteri qurylyp jatyr

QOSTANAI. 22 mamyr. Qostanaı oblysyndaǵy eldi mekenderde, sharýashylyqtarda órt sóndirý beketteri qurylýda. Bul týraly egemen.kz tilshisi habarlady. Aýyldy jerlerdegi alǵashqy órt sóndirý beketi Áýlıekól aýdanyndaǵy Dıev aýylynda uıymdastyryldy. Sonan keıin osy aýdandaǵy Pervomaı selosynda da quryldy. Sonymen qatar Sarykól aýdanyndaǵy Veselopodol aýylynda da órtke qarsy beket qurý máselesi qaralyp jatyr.  Jaz aılarynda ormandy jerlerde de, dalada da órt jıileıdi.  Ondaı kezderde aýdan ortalyqtaryndaǵy órt sóndirý beketterinen mashına, órt sóndirýshiler jetem degenshe, jel órtti órshitip, shama bermeı ketetin kezde jıi kezdesedi. «Dıev» agrofırmasynyń jetekshisi, belgili sharýashylyq uıymdastyrýshy Oleg Danılenko bul máselege jiti qarady. О́ıtkeni asyl tuqymdy mal ósirýmen aınalysatyn sharýashylyqqa shóptiń órtengeni asa kóp shyǵyn bolyp esepteler edi. Sondyqtan shalǵaıda jatqan sharýashylyq basshysy ózderinde órt sóndirý beketin salýǵa  táýekel etken. Oblystyq tótenshe jaǵdaıdar departamenti bastyǵynyń mindetin atqarýshy Vıktor Shıller: «Dıevtegi órtke qarsy beket sol mańdaǵy 300 turǵyny bar 3 eldi mekendi, orman alqaptaryn tilsiz jaýdan qorǵaıdy. Oǵan Qostanaı oblystyq tótenshe jaǵdaılar deparmamentiniń órt sóndirý jáne apattan qorǵaý basqarmasynan arnaıy mashınalar, órtke qarsy qoldanatyn jabdyqtar, jattyqtyrylǵan mamandar men júrgizýshiler bólindi. Osy bekettiń kúshimen Dıev aýylynda bir jáne eki dala órti sóndirildi», dedi. Oblysta barlyǵy 40 órt sóndirý beketi qurylatyn bolady. Olar 80 myń turǵyny bar 150 eldi mekendi qyzy jalynnan qorǵaıdy. Názıra Járimbetova. Derek, sýret: egemen.kz