Búgin Qazaqstannyń basym bóliginde qolaısyz aýa raıy saqtalady

ASTANA. 5 shilde. Búgin elimizdiń basym bóliginde turaqsyz aýa raıy saqtalady. Sınoptıkter frontaldi bólikterdiń ótýine baılanysty keı jerlerde naızaǵaı oınap, jańbyr jaýyp, jel kúsheıetinin aıtýda. Bul týraly «QazAqparat» habarlady. «Qazgıdromet» mamandary Qazaqstannyń soltústigi men shyǵysynyń keı jerlerinde burshaq jaýýy yqtımal dep otyr. Al ońtústik pen batysta jaýyn-shashynsyz aýa raıy saqtalady. Aqmola, Soltústik Qazaqstan, Pavlodar, Shyǵys Qazaqstan oblystarynyń keı jerlerinde naızaǵaı oınap, jel 15-20 m/s kúsheıip, burshaq jaýýy yqtımal. Ońtústik Qazaqstan, kúndiz Aqtóbe, Batys Qazaqstan oblystarynda jeldiń ekpini 15-20 m/s kúsheıýi kútiledi. Túnde Qyzylorda oblysynyń keı jerlerinde naızaǵaı oınaıdy. Qostanaı oblysynda túnde keı jerlerde naızaǵaı, tańerteń jáne kúndiz jel 15-20 m/s soǵady. Almaty, Jambyl, Qaraǵandy oblystarynyń keı jerlerinde naızaǵaı bolyp, jel 15-20 m/s kúsheıedi. Kúndiz Aqtóbe oblysynda qatty ystyq kútiledi. Ońtústik Qazaqstan, Qyzylorda, Aqtóbe oblystarynda, Atyraý, Batys Qazaqstan, Qaraǵandy, Jambyl, Almaty oblystarynyń keı jerlerinde óte joǵary órt qaýpi saqtalady. Talǵat Raıymbek. Derek, sýret: «QazAqparat».