Jańaqorǵanda ýaq maldyń qyrylýyna oraı tekserý júrgizilýde

ASTANA. 5 shilde. Qyzylorda oblysy Jańaqorǵan aýdanynyń «Kóbeldes», «Aqseńgir» jáne «Yntymaq» sharýa qojalyqtaryna tıesili 250 bas asyl tuqymdy qoı men qozy shyǵynyn anyqtaý maqsatynda mamandar saraptamalyq zertteýge kiristi. Bul týraly Qyzylorda oblysy ákimdiginiń baspasóz qyzmeti habarlady. О́lgen maldardyń 90 paıyzy 4-5 aılyq tólder. Qazirgi tańda mal shyǵyny toqtaǵan. Osyǵan sáıkes atalǵan máseleniń mán-jaıyn anyqtaý maqsatynda arnaıy komıssııa qurylyp, tekserý jumystaryn júrgizýde. Oblystyq veterınarııalyq zerthananyń mamandary aýyrǵan maldan juqpaly aýrýlarǵa qarsy patologııalyq úlgi jáne oshaqtaǵy shópten, topyraqtan, sýdan úlgiler aldy. Saraptama nátıjesi 10-15 kúnde anyqtalady. Budan bólek jaǵdaıy nasharlaǵan taǵy 250 bas mal oqshaýlanyp, baqylaýǵa alynǵan. Kórshiles ornalasqan otarlardyń maldary aman. Al aýyryp turǵan maldardy antıbıotıktermen jáne qan sarysýlarymen emdeý jumystary júrgizilýde. Aýyryp turǵan maldardyń klınıkalyq belgileri aýyz, tanaý qýystarynyń shyryshty qabaty qabynǵan, entigý, kóbikti silekeı bóliný, arasynda tynysy aýyrlap jótelýi, tólderdiń ókpe aýrýy baıqalady. Sondaı-aq, mamandar aptap ystyqqa baılanysty maldy salqyn kezde jaıyp, kúndiz kóleńkede, sýdyń jaǵasynda ustaýǵa, bir otardaǵy mal basyn 400-500 bastan asyrmaýǵa keńes beredi. Talǵat Raıymbek. Derek: oblys ákimdiginiń baspasóz qyzmeti. Sýret: azh.kz.