Halyqaralyq qujattar sapasy saralandy

Parlament Senaty Halyqaralyq qatynastar, qor­ǵanys jáne qaýipsizdik komıtetiniń keńeıtilgen otyry­synda «Qazaqstan Respýblıkasy men Qyrǵyz Respýb­lıkasy arasyndaǵy Shekara aýdanyndaǵy senim sharalary jónindegi kelisimdi ratıfıkasııalaý týraly» zań jobasy qaraldy, dep habarlady palatanyń baspasóz qyzmeti.

Kelisimniń maqsaty tatý kór­­shilik pen dostyq qaty­nas­tar­dy damytý, uzaq merzimdi turaq­tylyq jaǵdaıyn saqtaý, memle­kettik shekara aýdanyndaǵy ózara senimdi nyǵaıtý bolyp tabylady.

Belgilengen maqsattarǵa qol jetkizý úshin Taraptar qajetti aqparat almasý tártibi týraly, basqa tarapqa suraý salý men ótinish jasaý tártibi týraly, sondaı-aq, memlekettik shekara aýdanynda alýan túrli qaýipterdiń týyndaýyn boldyrmaý jáne kelisimde kózdelgen ózge de sharalardy qoldaný týraly ýaǵdalasty. Komıtet otyrysynda «Qazaq­stan Respýblıkasynyń Úkimeti men Qyrǵyz Respýblıkasynyń Úkimeti arasyndaǵy Shekara ókilderiniń qyzmeti týraly kelisimdi ratıfıkasııalaý týraly» zań jobasy da qaraldy. Tatý kórshilik qatynastardy damytý jáne Qazaqstan-Qyr­ǵyz­stan memlekettik shekara­sy­­nyń rejimin qamtamasyz etý jó­­nindegi yntymaqtastyqty qol­­daý maq­satynda, sondaı-aq, shek­aradaǵy tosyn oqıǵalardyń al­dyn alý máse­lelerine Qaza­q­stan Res­pýblı­kasy men Qyrǵyz Respýb­lıkasy shekara ókilderiniń qatysýy úshin Ta­raptar 2001 jyly 15 jeltoqsanda kelisimge qol qoıdy. Onda shekara ókilderi men olardyń orynbasarlaryn ta­ǵaıyndaý tártibi aıqyndalǵan, olar óz mindetterin bir-birimen yn­tymaqtastyqta, sondaı-aq, óz mem­leketteriniń ulttyq zańnamasyna jáne Taraptar qatysýshylary bolyp tabylatyn halyqaralyq sharttarǵa sáıkes oryndaıdy. Komıtette «Qazaqstan Res­pýb­lıkasynyń bitimgershilik qyz­meti týraly» zań jobasy da qaraldy. Zań jobasynyń maqsaty Qazaqstan Respýblıkasy qabyldaǵan halyqaralyq mindet­temelerge sáıkes Qazaq­stan Respýblıkasy ulttyq kon­tın­gentiniń beıbitshilik pen qaýip­sizdikti qoldaý jónindegi opera­sııalarǵa (mıssııalarǵa) qatysý prosesin retteýge baǵyttalǵan quqyqtyq negizin qurý bolyp tabylady. Zań jobasynyń negizgi ere­jeleri zańnyń qoldanylý salasyn, Qazaqstan Respýblıkasy bitimgershilik qyzmetiniń qaǵı­dattaryn, maqsattaryn, mindet­terin jáne qarjylandyrý kóz­de­rin aıqyndaıdy. Zań joba­sy­men ulttyq kontıngenttiń ­bitim­gershi­lik operasııaǵa qaty­sýy týra­ly sheshim qabyl­daý tártibi jáne ult­tyq kontın­genttiń bitim­ger­shilik operasııaǵa qatysý­dy aıaq­taýynyń negizderi reglamentteledi. Otyrysta «Qazaqstan Res­pýb­lıkasynyń keıbir zańnama­lyq aktilerine Qazaqstan Respýb­lı­kasynyń bitimgershilik qyzmeti máseleleri boıynsha tolyqty­rýlar engizý týraly» zań jobasy da qaraldy. Zań jobasy «Qazaq­stan Respýblıkasynyń bitimger­shilik qyzmeti týraly» zań joba­synyń erejelerin iske asyrý maq­satynda ázirlengen jáne eli­mizdiń birqatar zańnamalyq akti­lerine tolyqtyrý engizýdi kózdeıdi.