Shymkentte buzaqylar bir áıeldi taspen atqylap óltirdi

ASTANA. 5 shilde. Shymkent qalasynda buzaqylar bir áıeldi taspen atqylap óltirdi. Bul týraly tvk telearnasy habarlady. Kisi óltirý deregi shildeniń alǵashqy kúninde, qaladaǵy 11 shaǵyn aýdanynda tirkeldi. Habarlamada qaza tapqan azamatshanyń ústinde kıiminiń bolmaǵany aıtyldy. Polıseıler marqumnyń kıimderi men aıaq kıimi oqıǵa ornyna jaqyn mańnan tapqan. Taıaý mańdaǵy úılerdiń turǵyndary kúdik týǵyzatyn eshqandaı da dybystyń estilmegenin aıtady. Olardy tańǵy ýaqytta tártip saqshylar oıatypty. Telearna taratqan derekke súıensek, tártip saqshylary jaqyn mańda ornalasqan mekemelerdiń beınebaqylaý kameralaryn teksergen. Alaıda, olarda oqıǵa qatysty kadrlar tabylmaǵan. Sonymen qatar, jedel ýákilder oqıǵa bolǵan mańda ornalasqan saýna qyzmetkerlerinen de jaýap alǵan. Qaza bolǵan áıeldiń aty-jóniniń anyqtalǵany týraly málimet joq. Onyń oqıǵa bolǵan aýmaqta ómir súrgeni jaıly aıtylady. «О́ltirilgen áıel 30-35 jastarda, shashy qara tústi. Ol kók jeıde jáne sholaq shalbar kıgen – gúldi banttary bar aq baletkasy bar. Múmkin bireýler osy oqıǵany kórgen shyǵar, olardy polısııaǵa habar berýge shaqyramyz», – delingen telearna habarlamasynda. Talǵat Raıymbek. Derek, sýret: tengrinews.kz.