Ádebıetti qorǵaý qajet - Qazaqstan Jazýshylar odaǵynda ótken jyl qorytyndysy jıynynda qalamgerler osyndaı tujyrymǵa keldi.
О́tken ádebı jylda qol jetken jetistikter men tabystardy, kemshilikter men problemalardy ekshep saralaǵan basqosý qashan da paıdaly bolmaq. Mundaı jıyn talantty jazýshylarǵa shyǵarma jazyp bermeıdi. Biraq ol bardy baǵalaýǵa, jaqsydan úlgi alýǵa, aldaǵy taqyryptardy aıqyndaýǵa, dáýirge jiti kózben qarap ún qosýǵa septigin tıgizeri anyq. Qazaq qalamgerleriniń dástúrli jyl qorytyndysy jınalysyn asha kele, Jazýshylar odaǵy basqarmasynyń tóraǵasy, senator Nurlan Orazalın osy jaılardy taratyńqyrap aıtty.
Proza janry boıynsha baıandamany fılologııa ǵylymdarynyń doktory, professor ádebıetshi Aıgúl Isimaqova jasady, poezııa jóninde UǴA korrespondent-múshesi, aqyn Baýyrjan Jaqyp tolǵamdy sóz aıtty. Qazaqstandaǵy orys ádebıeti týraly belgili aqyn Lıýbov Shashkova, uıǵyr ádebıeti haqynda jazýshy Rahmetjan Iýsýpov áńgimeledi. Odan ári janrlar boıynsha saralaǵanda fantastıkany – Shámshıden Ábdiraman, dramatýrgııany – Sultanáli Balǵabaev, balalar ádebıetin – Dildár Mamyrbaeva, syn-syqaq pen satırany – Muhtar Sherim, ádebı syndy – Gúlzııa Pirálıeva, jastar ádebıetin – Ermek Qanykeı, derekti prozany – Sara Latıeva, aýdarmany – Ǵazızbek Táshimbaı syndy jazýshylar, ádebıetshi ǵalymdar ádil syn tarazysynan ótkizip, asa bir baıyptylyqpen taldady. О́tken jyly olja salǵan jaqsy shyǵarmalar atalyp aıtyldy. Kemshilikterge de toqtaldy. Qazaq ádebıetiniń ótken jylǵy qorjyny toq ekendigi qýantarlyqtaı. Kórshiles eldermen ádebı baılanystardyń nyǵaıa túskendigi de quptarlyq. Osynyń bir kórinisindeı, aldaǵy ýaqytta Reseı-Qazaqstan jazýshylarynyń birikken almanaǵy shyǵarylmaq. Sonymen birge, osy jıynda aıtylǵan usynystarǵa oraı, óz ulylarymyzdyń, aıtalyq, Abaı, Mahambet, Muqaǵalı syndy zańǵarlardyń atyndaǵy medaldar belgileý jaıy sheshimin tappaq. Jazýshylar odaǵynyń aldaǵy plenýmdarynyń ózekti taqyryptary da pikirtalas kezinde aıqyndalyp qaldy. Alda bolatyn bul salıqaly jıyndarda Qazaq handyǵynyń 550 jyldyǵy jáne qazaq ádebıeti, balalar ádebıetiniń jaıy, dramatýrgııa jáne teatr máseleleri keńinen sóz bolatyn bolyp kelisildi. Qazir kitap oqýǵa qulyq az, kórkem ádebıetke degen yqylas-ynta kemshin. Áýezovti áreń biletinder sany kóbeıip barady. Osy qulyqsyzdyqtan qazaqtyń ádebıetin, mádenıetin, kúlli rýhanııatyn qorǵaý qajettigine jyl qorytyndysyna arnalǵan jazýshylar jınalysy basa nazar aýdardy.
Qorǵanbek AMANJOL, «Egemen Qazaqstan».
ALMATY.
